28 ޖަނަވަރީ 2019
ސަރުކާރު ބަދަލުވުމުގެ މަރުޙަލާ ކުރިއަށް ގެންދިއުމަށް އައްޔަންކުރެވުނު ޑިރެކްޓަރ ޖެނެރަލް އޮފް ޓްރާންސިޝަން އަލްފާޟިލް އަޙްމަދު ލަތީފް އިސްވެހުންނަވައި ސަރުކާރު ބަދަލުވުމުގެ މަސައްކަތް ކުރިއަށްގެންދެވުނު ގޮތުގެ މައްޗަށް ތައްޔާރުކުރެއްވެވި "އިންތިޚާބީ ރައީސުލް ޖުމްހޫރިއްޔާގެ އޮފީހުގެ ރިޕޯޓް" މިއަދު ކޮމިޝަނަށް ހުށަހަޅުއްވައިފިއެވެ. މި ރިޕޯޓް ކޮމިޝަނަށް ހަވާލުކޮށްދެއްވެވީ އަލްފާޟިލް އަޙްމަދު ލަތީފެވެ. ކޮމިޝަނުގެ ފަރާތުން މި ރިޕޯޓާއި ހަވާލުވެވަޑައިގަތީ ކޮމިޝަނުގެ ރައީސް ޑރ. އަލީ ޝަމީމެވެ.
މި ބައްދަލުކުރެއްވުމުގައި ކޮމިޝަންގެ ހުރިހާ މެމްބަރުންގެ އިތުރުން ކޮމިޝަންގެ ސެކްރެޓަރީ ޖެނެރަލްއާއި ޑިރެކްޓަރ ޖެނެރަލް ވެސް ބައިވެރިވެވަޑައިގެންނެވިއެވެ.
މިއީ ފުރަތަމަ ފަހަރަށް ޑިރެކްޓަރ ޖެނެރަލް އޮފް ޓްރާންސިޝަންގެ މަޤާމަށް ކޮމިޝަނުން ބޭފުޅަކު އައްޔަންކުރެވި "ޤާނޫނު ނަންބަރު 2010/5 ވެރިކަން ބަދަލުވުމުގެ މަރުޙަލާއާބެހޭ ޤާނޫނު" ގައިވާ ގޮތުގެ މަތިން ސަރުކާރު ބަދަލުވުމުގެ މަރުހަލާގެ މަސައްކަތްކުރިއަށް ގެންދެވުނު ފުރަތަމަ ފަހަރުކަން ފާހަގަކޮށް އަދި މި މަރުހަލާގެ މަސައްކަތް ވަރަށް ކާމިޔާބުކަމާއެކު ޑިރެކްޓަރ ޖެނެރަލް ގެންގޮސްދެއްވާފައިވާތީ، އޭނާއަށް މަރުޙަބާ ވިދާޅުވެ ކޮމިޝަނުގެ ރައީސް ޝުކުރު އަދާކުރެއްވިއެވެ. އަދި މި މަރުހަލާގައި ސިވިލް ސަރވިސްގެ އިދާރާތަކުން ދެއްވެވި ފުރިހަމަ އެއްބާރުލުން ފާހަނގަކޮށް އެ ފަރާތްތަކަށާއި އަދި އިންތިޚާބީ ސަރުކާރަށް ވެސް ޝުކުރު އަދާކުރެއްވެވިއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026