29 ޖަނަވަރީ 2019
މިނިސްޓްރީ އޮފް ޕްލޭނިންގެ އެންޑް އިންފްރާސްޓްރަކްޗާރގެ ޕާރމަނަންޓް ސެކްރެޓަރީގެ މަޤާމަށް އަލްފާޟިލާ ޒީނިޔާ އަޙްމަދު ޙަމީދު ކޮމިޝަނުން މިއަދު އައްޔަންކުރައްވައިފިއެވެ. ޕަރމަނަންޓް ސެކްރެޓަރީ އައްޔަނުކުރުމުގެ ރަސްމީއްޔާތު ބޭއްވުނީ އެމިނިސްޓްރީގެ އިއްޒަތްތެރި ވަޒީރު މުހައްމަދު އަސްލަމްގެ ހާޒިރުގައި އެ މިނިސްޓްރީގައެވެ. ޕަރމަނަންޓް ސެކްރެޓަރީ ކޮމިޝަނުގެ ފަރާތުން އައްޔަނުކުރެއްވެވީ ކޮމިޝަނުގެ ރައީސް ޑރ. ޢަލީ ޝަމީމެވެ.
އަލްފާޟިލާ ޒީނިޔާ އަޙްމަދު ޙަމީދު އަކީ 11 އަހަރު ސަރުކާރަށްއެކި ވަޒީފާތަކުގައި ޙިދުމަތްކުރައްވާފައިވާ ބޭފުޅެކެވެ. މިގޮތުން މިނިސްޓްރީ އޮފް ކޮންސްޓްރަކްޝަން އެންޑް ޕަބްލިކް އިންފްރާ ސްޓްރަކްޗަރގ ޑެޕިއުޓީ ޑިރެކްޓަރ ޖެނެރަލްގެ ވަޒީފާ އަދާ ކުރެއްވުމާއި މިނިސްޓްރީ އޮފް ފިނޭންސް އެންޑް ޓްރެޜަރީގެ ނެޝަނަލް ޓެންޑަރ ބޯޑުގެ މެންބަރ ކަންއަދާކުރެއްވުމާއި އަދި ދިވެހިރާއްޖޭގެ ޤައުމީ ޔުނިވަރސިޓީގެ، ފެކަލްޓީ އޮފް އެންޖިނިއަރިގ ޓެކްނޯލޮޖީ ގެ އެޑްވައިޒަރީ ކޮމިޓިގެ މެމްބަރކަން ވެސް އަދާކުރެއްވުންހިމެނެއެވެ. އަލްފާޟިލާ ޒީނިޔާ އަޙްމަދު ޙަމީދު ވަނީ" ބެޗްލަރ އޮފް އާރކިޓެކްޗަރ "ޑިގްރީއެއް ވެސްޓާން އޮސްޓްރޭލިއާގެ، ޕަރތްގެ ކަރޓިން ޔުނިވަރސިޓީގައި ފުރިހަމަކުރައްވާފައެވެ. އަދި އިތުރު ބެޗްލާރ ޑިގްރީ އެއްކަމުގައިވާ " ބެޗްލަރ އޮފް ސައިންސް އިން އާރކިޓެކްޗަރަލް ސައިންސް" ގެ ދާއިރާއިންވެސް ވަނީ ޑިގްރީއެއް ފުރިހަމަކުރައްވާފައެވެ.
މި ރަސްމިއްޔާތުގައި ވާހަކަފުޅުދައްކަވަމުން ކޮމިޝަނުގެ ރައީސް ވަނީ ދިވެހި ސިވިލް ސަރވިސްގެ ގަވާއިދާއެއްގޮތަށް އަދި މިނިސްޓަރގެ ލަފަޔާއެކު މިނިސްޓްރީގެ މަސައްކަތްތައް ހިންގަވާ ދެއްވުމަށްއެދި އެދިވަޑައިގެންނެވިއެވެ. އަދި އޮފީސް ހިންގެވުމުގައި ސިވިލް ސާރވިސްގެ މުވައްޒަފުންނާއި ގުޅިގެން އެކުއެކީގައި މިނިސްޓްރީ އަށް ސަރުކާރުން ކަނޑައަޅުއްވަވާފައިވާ އިޙްތިސޯސް އާއި ސިޔާސަތު ތަންފީޒުކޮށް ދެއްވުމުގައި ތެދުވެރިކަމާއި ނަޒާހަތްތެރިކަމާއިއެކު މަސައްކަތް ކޮށްދެއްވުމަށްވެސް ކޮމިޝަނުގެރައީސް އެދިވަޑައިގެންނެވިއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026