![](/images/Posts/220/d33086cc-302c-499d-93c3-1bbc64f3fb97_DSC_7279-750x400.jpg)
2019 ވަނައަހަރަށް ސިވިލް ސަރވިސް ޓްރެއިނިންގ އިންސްޓިޓިއުޓް ގައި ކޯސްތައް ފެށުން މިއަދު އެ އިންސްޓިޓިއުޓްގައި އިފްތިތާޙްކުރެވިއްޖެއެވެ. މިކަމަށް ބޭއްވުނު ރަސްމިއްޔާތުގައި ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް ކޯސްތަކުގެ ބައިވެރިންނާއި މުޚާތަބްކުރައްވަވައި ވާހަކަދެއްކެވިއެވެ. ރައީސްގެ ވާހަކަފުޅުގައި ކުރިއަށް އޮތް ދުވަސްތަކަކީ ސީ އެސްޓީ އައި ގެ ދަރިވަރުންނަށް ފަހިކުރިއެރުން ތަކެއްގެނެސްދޭނެ ދުވަސްތަކެއްކަމުގައި ފާހަގަކޮށް އެކަމުގެ ފަހިފުރުޞަތުގެ ބޭނުން ފުރިހަމައަށް ހިފައި ގާބިލު ހުނަރުވެރި އަދި ނަޒާހަތްތެރި މުވައްޒަފުންނަށްވުމަށް ގޮވާލެއްވެވިއެވެ. ކުރިއަށްއޮތީ ފަހިދުވަސްތަކެއް ކަމުގައި އިޝާރަތްކުރެއްވެވީ މިހާރުގެ ސަރުކާރުން މަތީތަޢުލީމުގެ ފުރަތަމަ ޑިގްރީ އަށް ހިލޭ ކިޔެވުމުގެ ފުރުސަތު ފަހިކޮށްދެއްވާތީ އާއި ސީއެސްޓީއައި ގައި ލައިބްރަރީއެއް ގާއިމް ކުރެވިގެން މިއަހަރު ދާނެކަމަށް އުއްމީދުކުރެވޭތީ އާއި އަދި ޖާގަތަނަވަސްތަނަކަށް އިންސްޓިޓިއުޓް ބަދަލުވެގެންދާނެކަމުގެ އުއްމީދު އާވެފައިވާތީކަމުގައިވިދާޅުވިއެވެ.
ދަރިވަރުންނަށް ކާމިޔާބު ހިންގުންތެރިންނަށްވުމަށް އިލްތިމާސް ކުރައްވަމުން ކޮންމެ ސިވިލް ސަރވަންޓަކީ އަމިއްލައަށް އިސްނަގާ، އަމިއްލައަށް ތާޒާވެ އުގެނެމުންދާމީހަކަށްވެ ހިހޫތަނުންކާލައިގެން ފުއްދާނުލައި އަދި ވައަތުފަޔަށްބަރުނުވެ ހިންގުންތެރި ހީވާގި އަދި ހެޔޮވިސްނުންގެންގުޅޭ މީހަކަށްވެވިއްޖެނަމަ އެމީހަކީ އޮޓޮމެޓިކުން ކުރިއަރާދާނެ ގާބިލް ސިވިލް ސަރވަންޓަކަށްވާނެކަމުގެ ޔަގީންކަންދެއްވެވިއެވެ.
ކޮމިޝަނުގެ މެންބަރު އަލްފާޟިލާ ފާތުމަތު އާމިރާވެސް މިރަސްމިއްޔާތުގައި ދަރިވަރުންނާއި މުޚާތަބް ކުރައްވަވައި އެބޭފުޅާގެ އަމިއްލަ ތަޖްރިބާއިން މިސާލުދައްކަވައި ދަރިވަރުންނަކީ މަސައްކަތު އަޚްލާޤް ރަނގަޅު ޒިންމާދާރު ބަޔަކަށްވުމަށް ހިތްވަރުދެއްވެވިއެވެ. އަދި ކޯސްތައް ފުރިހަމަކުރުމުގައި ފަރުވާކުޑަނުކޮށް ވީހާ އަމަލީބައިތަކަށް ސަމާލުކަންދީ ތަމްރީނުވުމަށްމިލިބުނު ފުރުސަތު ހެޔޮގޮތުގައިހިފައި، އިތުރަށްވެސް މަތީތަޢުލީމު ހާޞިލްކުރުމުގެ އަޒުމް އާކޮށް ކާމިޔާބުބަޔަކަށްވުމަށް އެދި ގޮވާލެއްވެވިއެވެ.
2019 ވަނަ އަހަރަށް ކިޔަވާދޭންފެށުން އިފްތިތާހުކުރުމުގެ ރަސްމިއްޔާތު ތަޢާރަފްކޮށްދެއްވެވީ ސީއެސްޓީއައި ގެ ޑިރެކްޓަރ ފާތުމަތް ހަބީބާ އެވެ. އޭނާގެ ވާހަކަފުޅުގައި ސީއެސްޓީގައި އަލަށްފެށޭ ކޯސްތަކުގެ ތަޢާރަފެއް ދެއްވަވައި ދަރިވަރުންގެ ކިބައިން އެދެވިގެންވާ ކަންކަމާގުޅޭގޮތުން މަޢުލޫމާތުދެއްވެވިއެވެ.
މިއަދު ބޭއްވުނު ރަސްމިއްޔާތުގައި މިހާރުވެސް ކުރިއަށްދާ ޑިޕްލޮމާ ކޯހުގެ ދަރިވަރުންނާއެކު އަލަށްފެށޭ 3 ކޯހެއްގެ ދަރިވަރުންނާއި ސީއެސްޓީ އައި ގެ ލެކްޗަރާއިންނާއި މުވައްޒަފުން ބައިވެރިވެވަޑައިގެންނެވިއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023