21 މާޗް 2018
![](/images/Posts/216/f14f3940-73fc-4cfd-a6de-78b1163d8e5b_CSC_9167-750x400.jpg)
ދިވެހި ޖުމްހޫރިއްޔާއަށް 50 އަހަރު ފުރުން ފާހަގަކުރުމާއި ސިވިލް ސަރވިސްއަށް 10 އަހަރު ފުރުން ފާހަގަކުރުމަށް ސިވިލް ސަރވިސް ކޮމިޝަނާއި ހޯމް މިނިސްޓްރީ ގުޅިގެން ހިންގުމަށް ރޭވިފައިވާ ހަރާކާތްތަކާބެހޭ މަޢުލޫމާތު މީޑިޔާއާ ހިއްސާކޮށްފިއެވެ. މިއަދު ސިވިލް ސަރވިސް ކޮމިޝަނުގައި ނޫސްވެރިންނަށް މައުލޫމާތުދެއްވަމުން ސިވިލް ސަރވިސް ކޮމިޝަނުގެ ރައީސް ވިދާޅުވީ ދިވެހި ޖުމްހޫރިއްޔަތަށް 50 އަހަރު ފުރުން ފާހަގަކުރުމަށް ކުރިޔަށްގެންދަވާ ހަރާކާތްތައް ކުރިޔަށްގެންދެވުމުގެ މަޤްޞަދަކީ ޖުމްހޫރީ ނިޒާމާ ބޭހޭގޮތުން މަޢުލޫމާތުފޯރުކޮށްދީ ރައްޔިތުން ހޭލުންތެރިކުރުވުން ކަމަށާއި، ސިވިލް ސަރވިސް އަށް 10 އަހަރު ފުރުން ފާހަގަކުރުމަށް ކުރިޔަށްގެންދަވާ ހަރަކާތްތަކުގެ މަޤްޞަދަކީ ސިވިލް ސަރވިސްގެ މުވައްޒަފުންގެ މެދުގައި އެކުވެރިކަމާ އެއްބައިވަންތަކަން އާލާކުރުންކަމަށެވެ.
ދިވެހި ޖުމްހޫރިއްޔަތަށް 50 އަހަރު ފުރުން ފާހަގަކުރުމާއި ސިވިލް ސަރވިސްއަށް 10 އަހަރު ފުރުން ފާހަގަކުރުމަށް ބާއްވާ މި ހަރަކާތްތަކުގެ ތެރޭން ފުރަތަމަ ހަރަކާތެއްގެ ގޮތުގައި ކުރިޔަށްގެންދިއުމަށް ހަމަޖެހިފައި ވަނީ އެޕްރީލް މަހުގެ 5 ވަނަ ދުވަހުގެ ރޭ ބޭއްވުމަށް ހަމަޖެހިފައިވާ ސިވިލް ސަރވިސް ޓެލެންޓް ޝޯއެވެ. މި ޝޯގައި ސިވިލް ސަރވިސްގެ އެކި އޮފީސްތަކުން އައިޓަމުތައް ހުށަހެޅުމަށް ވަނީ ހަމަޖެހިފައެވެ. މީގެ އިތުރުން އެޕްރީލު މަހުގެ 6 ވަނަ ދުވަހު ހަވީރު ކުޑަކުދިންގެ ހަވީރެއް ކުރިޔަށްގެންދިއުމަށް ރޭވިފައިވާކަމަށާއި މިހާރު ވެސް މި އިވެންޓުގައި ސްޓޯލު ބެހެއްޓުމަށް 28 އޮފީހަކުން ހުށަހަޅާފައިވާކަމަށް މި އިވެންޓްތައް އިންތިޒާމުކުރާ ޓީމުން ބުނެއެވެ.
މި މުނާޞަބާތައް ފާހަގަކުރުމަށް އަތޮޅުތެރޭގެ އެކި ރަށްރަށުގައި ވެސް މުޅި އަހަރު ދުވަހަށް ބަހާލައިގެން ހަރަކާތްތަކެއް ބޭއްވުމަށް ހަމަޖެހިފައިވެއެވެ. މުޅި އަހަރުދުވަހަށް ބަހާލައިގެން ކުރިޔަށް ގެންދިއުމަށް ރޭވިފައިވާ ހަރަކާތްތަކުގެ ތެރޭގައި ސިވިލް ސަރވިސް އޯޕަންޑޭއެއް ބޭއްވުމާއި، ފުޓްސަލް މުބާރާތަކާއި، ހޭންޑް ބޯލް މުބާރާތަކާއި، ރަމަޟާން މަހު ބާއްވާ ޤުރުއާން މުބާރާތަކާއި މަދަހަ މުބާރާތެއްގެ އިތުރުން ސިވިލް ސަރވިސްގެ އަހަރީ ދުވަހުގެ ރަސްމީ ޖަލްސާ ބޭއްވުމާއި ސިވިލް ސަރވިސް ކޮންފަރެންސް ބޭއްވުން ވެސް މި ހަރަކާތްތަކުގެ ތެރޭގައި ހިމެނެއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023