2017 ވަނަ އަހަރުގެ ޑިމޮކްރަސީ ވީކް ފާހަގކުރުމުގެ ގޮތުން އިލެކްޝަން ކޮމިޝަނުން މަތީ ތަޢުލީމުދޭ މަރުކަޒުތަކުގެ ދަރިވަރުންނަށް ހުޅުވާލައިގެން ޑިމޮކްރަސީގެ މައްޗަށް ހޭލުންތެރިވުމަށް ބޭއްވި ޕްރެޒެންޓޭޝަން މުބާރާތުގެ ނަޠީޖާ ފާޅުކުރުމުގެ ރަސްމިއްޔާތު ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމު ޝަރަފުވެރިކޮށްދެއްވައިފިއެވެ މި މުބާރާތަކީ ޕަބްލިކް ސަރވިސް މީޑިއާ އާއި އިލެކްޝަންސް ކޮމިޝަނާއި ދިވެހިބަހުގެ އެކަޑަމީ ގުޅިގެން ބޭއްވުނު މުބާރާތެކެވެ. މި ރަސްމިއްޔާތުގައި އިލެކްޝަންސް ކޮމިޝަނުގެ ނައިބު ރައީސް އަލްއުސްތާޛު އަމްޖަދު މުަސްޠަފާއާއި މެންބަރުން އަދި ޕީއެސްއެމްގެ މެނޭޖިންގ ޑިރެކްޓަރ އިބްރާހިމް ޚަލީލު ބައިވެރިވެ ވަޑައިގެންނެވިއެވެ.
މި މުބާރާތުން 1 ވަނަ އަދި 2 ވަނަ ހޯދީ އިސްލާމިކް ޔުނިވަރސިޓީގެ ޓީމުތަކެވެ. 3 ވަނަ ހޯދީ މޯލްޑިވްސް ނެޝަނަލް ޔުނިވަރސިޓީގެ ޓީމެވެ. މި ރަސްމިއްޔާތު ޝަރަފުވެރިކޮށްދެއްވައި ޖަލީސުންނާއި މުޚާތަބު ކުރައްވަމުން ކޮމިޝަނުގެ ރައީސް ޑރ. ޢަލީ ޝަމީމު ދިވެހިރާއްޖޭގެ ޤާނޫނު އަސާސީގެ ހަޔާތުގެ މައްޗަށް ބައްލަވާލައްވައި އަދި މިހާރު އަމަލުކުރަމުންދާ ޤާނޫނު އަސާސީއަށް 10 އަހަރު ފުރޭހިނދު، އެ ޤާނޫނު އަސާސީން ގެނެސްދީފައިވާ ދިވެހި ޑިމޮކްރަސީގެ ތަޖްރިބާތަކަށް އަލި އަޅުވާލައްވައި ވާހަކަފުޅު ދެއްކެވިއެވެ.
ޑރ. ޢަލީ ޝަމީމު ވާހަކަފުޅުގައި ދިވެހިރާއްޖެއަކީ ސާރކުގެ 8 ޤައުމުތެރޭގައި އެންމެ ފުރަތަމަ ޤާނޫނު އަސާސީއެއް އެލުކަލާލައި ތަންފީޒު ކުރަންފެށި ޤައުމުކަމަށާއި، އަދި ފުރަތަމަ ރައްޔިތުންގެ މަޖްލީހެއް ޤާއިމުކުރި ޤައުމަކީވެސް ދިވެހިރާއްޖެކަން ފާހަގަކުރެއްވިއެވެ. އެހެންކަމުން ރާއްޖެއަކީ ދެކުނު އޭޝިޔާ ސަރަހައްދަށް ސިޔާސީގޮތުން ދޮށީ ޤައުމެއްކަމަށާއި، އެހެން ޤައުމުތަކަށް މިސާލު ދައްކަން އޮތް ޤައުމެއްކަން ބަޔާންކުރެއްވެވިއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026