ކޮމިޝަނާއެކު މާލެ އަތޮޅު ކައުންސިލާއި ކ.މާފުށީ ކައުންސިލުން މަޝްވަރާ ބައްދަލުވުމެއް ބާއްވައިފިއެވެ. މިއަދު ސިވިލް ސަރވިސް ކޮމިޝަނުގައި ބޭއްވުނު މި ބައްދަލުވުމުގައި މާފުށީ ކައުންސިލަރުންނާއި ކައުންސިލު އިދާރާގެ އިސްބޭފުޅުން ބައިވެރިވެ ވަޑައިގެންނެވިއެވެ. ކޮމިޝަނުގެ ފަރާތުން މި ބައްދަލުވުމުގައި އިސްކޮށް ބައިވެރިވެ ވަަޑައިގެންނެވީ ކޮމިޝަނުގެ ރައީސް ޑރ. ޢަލީ ޝަމީމެވެ. މި ބައްދަލުވުމުގައި މާފުށީ ކައުންސިލުން ވަނީ އެ ކައުންސިލުގެ އެކި މަސައްކަތްތައް ކުރިޔަށް ގެންދިއުމަށް މިހާރުތިބި އިދާރީ މުވައްޒަފުން މަދުކަމާއެކު ދިމާވާ ދަތިތައް ކޮމިޝަނާ ހިއްސާކުރައްވާފައެވެ. އަދި މިކަމަށް ހައްލެއް ހޯދިދާނެ ގޮތްތަކާއެކު މި ބައްދަލުވުމުގައި ކޮމިޝަނާއެކު ކައުންސިލުން ވަނީ މަޝްވަރާކުރައްވާފައެވެ.