ދިވެހި ރާއްޖެއަށް ބޭނުންވާ އިންސާނީ ވަޞީލަތް ރާވައި ބިނާކޮށް ތަރައްޤީކުރުމުގެ މަސައްކަތް ކުރާނެ ޚާއްޞަ ޤައުމީ އިދާރާއަކާއި މިކަމަށް ބާރު އަޅާނެ ޤައުމީ ފެންވަރުގެ ޤާނޫނަކާއި މާސްޓަރޕްލޭނެއް ނެތްކަމުގެ އިހުސާސް ކުރެވޭކަމުގައި ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމު ވިދާޅުވެއްޖެއެވެ. ދިވެހިރާއްޖޭގެ ތާރީޚުގައިވެސް ފުރަތަމަ ފަހަރަށް ބޭއްވުނު އިންސާނީ ވަޞީލަތް ކުރިއެރުވުމަށް މަޝްވަރާކުރުމުގެ އެޗްއާރު ސަމިޓް އަކީ އެޗްއާރު މޯލްޑިވްސް ނަމަކަމަށް ކިޔާ ކުންފުންޏަކުން އިސްނަގައިގެން އަމިއްލަ ވިޔަފާރިއާއި ކުންފުނިތަކާއި އަދި އިންސާނީ ވަޞީލަތް ބިނާކުރުމަށް މަސައްކަތްކުރާ ފަރާތްތަކާއި ގުޅިގެން އިންތިޒާމުކޮށް ބޭއްވި ބޮޑު ބައްދަލުވުމެއް ނުވަތަ ސަމިޓެކެވެ.