ލޯކަލް ކައުންސިލްތައް ކުރިއަރުވައި ހިންގުން ހަރުދަނާކުރުމުގައި ލޯކަލް ގަވަރމަންޓް އޮތޯރިޓީ (އެލްޖީއޭ) އަށް ކުރިމަތިވެފައިވަމުންދާ ބައެއް ގޮންޖެހުންތަކާއި ދަތިތަކާ ގުޅޭގޮތުން އެ އޮތޯރިޓީން މިއަދު ސިވިލް ސަރވިސް ކޮމިޝަނާއެކު މަޝްވަރާކުރައްވައިފިއެވެ.
މިނިސްޓްރީ އޮފް ހޯމް އެފެއާރޒް ގައި ބޭއްވުނު މި މަޝްވަރާ ބައްދަލުވުމުގައި އެލްޖީއޭގެ ފަރާތުން އިސްކޮށް އިންނެވީ އެ އޮތޯރިޓީގެ ރައީސް އަދި މިނިސްޓަރ އޮފް ހޯމް އެފެއާރޒް އޮނަރަބަލް އަލްފާޟިލް އަޒްލީން އަޙުމަދެވެ. ކޮމިޝަނުގެ ފަރާތުން އިސްކޮށް އިންނެވީ ކޮމިޝަނުގެ ރައީސް ޑރ. ޢަލީ ޝަމީމެވެ.
މި މަޝްވަރާ ބައްދަލުވުމުގައި، ކައުންސިލުތައް ހިންގުމުގައި ދިމާވާ ބައެއް ގޮންޖެހުންތައް ހައްލުކުރުމުގައި، ކައުންސިލު އިދާ ބަލަހައްޓަވައިދެއްވަނީ ސިވިލް ސަރވިސްގެ މުވައްޒަފުން ކަމުގައިވާތީ، ކޮމިޝަނުގެ އެއްބާރުލުމާއި އެހީތެރިކަމަށް އެލްޖީއޭގެ ފަރާތުން އެދިވަޑައިގެންނެވިއެވެ. އަދި އެލްޖީއޭއާއި ސިވިލް ސަރވިސް ކޮމިޝަން ގުޅިގެން ކަންކަން ހައްލުކުރުމަށް އެންމެ އެދެވޭ ރަނގަޅު ގޮތެއްގައި މަސައްކަތްކުރެވިދާނެ ގޮތްތަކަކީ ކޮބައިތޯ މަޝްވަރާކުރެވުނެވެ.
އެލްޖީއޭގެ ފަރާތުން ހުށަހެޅުއްވި ކަންކަމާ ގުޅިގެން ކޮމިޝަނުން ދެއްވި އިޖާބައިގައި ސިވިލް ސަރވިސްގެ ޤަވާޢިދުގެ ތެރެއިން ގިނަ ކަންކަމަށް ހައްލު ހޯދުމަށް ފުރިހަމަ އެއްބާރުލުން ދޭންނެ ކަމަށާއި، އިތުރަށް ހައްލުކުރުމަށް ބޭނުންވާ ކަންކަން ދިރާސާކޮށް އެލްޖީއޭ އާއިއެކު މަސައްކަތްކުރުމަށް ނިންމާފައިވެއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022