ސިވިލް ސަރވިސް ޓްރެއިނިންގ އިންސްޓިޓިއުޓުން (ސީއެސްޓީއައި) ކޮންމެ އަހަރު ސިލްސިލާކޮށް ބައްވަމުން އަންނަ ޕަބްލިކް ލެކްޗަރ ސީރީޒްގެ މި އަހަރުގެ ފުރަތަމަ ލެކްޗަރ "ރިސާޗް ކަލްޗަރ އެއް" އުފެއްދުމާ ބެހޭގޮތުން މިއަދު ބާއްވައިފިއެވެ. މި އިވެންޓްގައި ފުރަތަމަ ތަޤްރީރު ކުރައްވާފައި ވަނީ ޤައުމީ ޔުނިވަރސިޓީގެ ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ޑީން ޑރ. ޝަޒްލާ މުޙައްމަދެވެ. ޑރ. ޝަޒްލާގެ ތަޤްރީރުގައި ރިސާޗަކީ ކޮބައިކަމާއި ރިސާޗްކުރުމުގައި އަމިއްލަ ތަޖްރިބާތައް ޙިއްސާކުރެއްވިއެވެ. މިއަދުގެ އިވެންޓުގައި ދެން ތަޤްރީރުކުރައްވާފައި ވަނީ ވިލާ ކޮލެޖުގެ ރެކްޓަރ ޑރ. އަޙުމަދު އަންވަރެވެ. ޑރ. ޢަންވަރުގެ ތަޤްރީރު އަމާޒުކުރައްވާފައި ރިސާޗް ކަލްޗަރ އެއް އުފެއްދުމުގެ މައްޗަށާއި އެކަމުގެ މިހިންމުކަމުގެ މައްޗަށެވެ. މިއިވެންޓްގައި ތިންވަނައަށް ތަޤްރީރު ކުރެއްވީ އިސްލާމިކް ޔުނިވަރސިޓީ އޮފް މޯލްޑިވްސްގެ ޑެޕިއުޓީ ވައިސް ޗާންސެލަރ ޑރ. މަރިޔަމް ޝަހުނީޒާ ނަޞީރެވެ. ޑރ. ޝަހުނީޒާގެ ތަޤްރީރުގައި ރިސާޗެއް ފުރިހަމަ ކުރުމުގައި ފުރިހަމަކުރަންޖެހޭ މައިގަނޑު ބައިތަކުގެ މައްޗަށް އަލިއަޅުވާލެއްވިއެވެ. މިގޮތުން ލިޓްރެޗަރ ރިވިއުއާއި، ޑޭޓާ ކަލެކްޝަން އާއި، ޑޭޓާ އެނަލައިޒްކުރުމާއި، ރިޕޯޓިންގައި ވިސްނަންޖެހޭ މުހިންމު ކަންތައްތަކުގެ ޑރ. ޝަހުނީޒާގެ ތަޤްރީރުގައި އަލިއަޅުވާލެއްވިއެވެ.
ރިސާޗް ކަލްޗަރ އެއް އުފެއްދުމާއި ރިސާޗްކުރުމާބެހޭގޮތުން މި ތިން ބޭފުޅުންގެ ތަޤްރީރަށްފަހު މައުލޫއާ ގުޅޭގޮތުން އޯޑިއަންސް އިން ހުށަހެޅި ސުވާލުތަކަށް ޖަވާބުދިނުމަށް ފެނަލް ޑިސްކަޝަނެއް ވެސް މި އިވެންޓުގައި ކުރިޔަށް ގެންދެވުނެވެ.
ފަހުގެ ޚަބަރުތައް
ކޮމިޝަނުން އައްޑޫ ސިޓީ ކައުންސިލާއެކު ބޭއްވި ބައްދަލުވުމުގެ ތެރެއިން
24 ސެޕްޓެމްބަރ 2026
ވޯކްޝޮޕް އޮން އަޕްސްކިލިންގ އެޑްމިނިސްޓްރޭޓިވް ޕްރޮފެޝަނަލްސްގެ ފަސްވަނަ ސެޝަންގެ ތެރެއިން
24 ސެޕްޓެމްބަރ 2026
އަޕްސްކިލިންގ އެޑްމިނިސްޓްރޭޓިވް ޕްރޮފެޝަނަލްސް ވޯކްޝޮޕް ނިންމުމުގެ ރަސްމިއްޔާތު ތެރެއިން
24 ސެޕްޓެމްބަރ 2026
ވޯކްޝޮޕް އޮން އަޕްސްކިލިންގ އެޑްމިނިސްޓްރޭޓިވް ޕްރޮފެޝަނަލްސްގެ ހަތަރުވަނަ ސެޝަންގެ ތެރެއިން
24 ސެޕްޓެމްބަރ 2026
ސިވިލް ސަރވިސް ޓްރޭނިންގ އިންސްޓިޓިއުޓުން ކުރިއަށްގެންދާ ވޯކްޝޮޕް އޮން އަޕްސްކިލިންގ އެޑްމިނިސްޓްރޭޓިވް ޕްރޮފެޝަނަލްސް 2026 ހުޅުވުމުގެ ރަސްމިއްޔާތު
23 ސެޕްޓެމްބަރ 2026