ސިވިލް ސަރވިސް ޓްރެއިނިންގ އިންސްޓިޓިއުޓުން (ސީއެސްޓީއައި) ބާއްވަމުން އަންނަ ޕަބްލިކް ލެކްޗަރ ސީރީޒްގެ ފުރަތަމަ ލެކްޗަރ މާދަމާ ބޭއްވުމަށް ހަމަޖެހިއްޖެއެވެ. މާދަމާ ޤައުމީ ޔުނިވަރސިޓީގެ ފެކަލްޓީ އޮފް އެޑިއުކޭޝަނުގެ އޮޑިޓޯރިއަމުގައި ބާއްވާ މި ލެކްޗަރގައި ތަޤްރީރު ކުރެއްވުމަށް ހަމަޖެހިފައިވާ ބޭފުޅުންގެ ތެރޭގައި ވިލާ ކޮލެޖުގެ ރެކްޓަރ ޑރ. އަޙުމަދު އަންވަރު، މޯލްޑިވްސް އިސްލާމިކް ޔުނިވަރސިޓީގެ ވައިސް ޗާންސެލަރ ޑރ. މަރިޔަމް ޝަހުނީޒާ ނަޞީރު އަދި ޤައުމީ ޔުނިވަރސިޓީގެ ފެކަލްޓީ އޮފް އިންޖިނިއަރިންގ، ސައިންސް އެންޑް ޓެކްނޮލޮޖީގެ ޑީން ޑރ. ޝަޒްލާ މުޙައްމަދު ހިމެނިވަޑައިގަންނަވައެވެ. މި ތިންބޭފުޅުންގެ ތަޤްރީރު ބިނާކުރެއްވުމަށް ހަމަޖެހިފައިވަނީ ރިސާޗްކުރުމާބެހޭ އެކި މައުޟޫޢު ތަކަށެވެ. މި ތަޤްރީރުތަކަށްފަހު އޯޑިންއަސްގެ ސުވާލުތަކަށް ޖަވާބުދިނުމަށް ފެނަލް ޑިސްކަޝަނެއް ވެސް ކުރިޔަށް ގެންދިއުމަށް ހަމަޖެހިފައި ވެއެވެ.