22 ފެބްރުއަރީ 2018
ސައިރިކްސް ކޮލެޖުން އަލަށް ތަޢާރަފު ކުރި ކޯހެއް ކަމުގައިވާ މާސްޓާރސް އޮފް ޕަބްލިކް އެޑްމިނިސްޓްރޭޝަން އިފްޠިތާހް ކުރުމުގެ ރަސްމިއްޔާތު ކޮމިޝަނުގެ ރައީސް ޝަރަފުވެރި ކޮށްދެއްވައިފިއެވެ. މިއަދު ސައިރިކްސް ކޮލެޖުގައި މިކަމަށްޓަކައި ބޭއްވުނު ރަސްމިއްޔާތުގައި ވާހަކަ ދައްކަވަމުން ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމު، މި ޕްރޮގްރާމަކީ ސިވިލް ސަރވިސްގެ މުވައްޒަފުންނަށް ވަރަށް މުހިންމު އަދި ބޭނުންތެރި ޕްރޮގްރާމެއްކަން ފާހަގަކުރެއްވިއެވެ. އެހެންކަމުން ކޮމިޝަނާ ސައިރިކްސް ކޮލެޖާ ދެމެދު ޕާރޓްނާޝިޕެއް ނުވަތަ އެއްބަސްވުމެއް އެކުލަވާލުމަކީ މުހިންމުކަމެއް ކަމަށާއި އަދި އެކަމަށް އުންމީދު ކުރައްވާކަމަށް ކޮމިޝަނުގެ ރައީސް ވިދާޅުވިއެވެ. މީގެ އިތުރުން އެ ކޮލެޖުގެ މި ކޯހުގައި ރިސާޗުބަޔަށް ފޯކަސް ކޮށްދެއްވުމަށް ވެސް ކޮމިޝަނުގެ ރައީސް އެދިވަޑައިގެންނެވިއެވެ. އަދި ސިވިލް ސަރވިސްގެ ދާއިރާއިން ރިސާޗް ހެދުމަށް ކޮމިޝަނާއި މުޅި ސިވިލް ސަރވިސްއިން، އެކަމަށް ބޭނުންވާ އެއްބާރުލުމާއި އެހީތެރިކަން ދެއްވާނެކަމުގެ ޔަގީންކަންވެސް ކޮމިޝާނުގެ ރައީސް ދެއްވިއެވެ.
ކޮމިޝަނުގެ ރައީސް ވަނީ ސިވިލް ސަރވިސްގެ ހުރިހާ މުވައްޒަފުން މަސައްކަތުގެ މާހައުލުގައި ޒަމާނީ މޮޅު ގޮތްތައް ހޯދައިގެން މަސައްކަތް ކުރުމަށް އަޒުމު ކަނޑައެޅުމަށް ވެސް ގޮވާލައްވާފައެވެ.
ސައިރިކްސް ކޮލެޖުން މިއަދު ތައާރަފުކުރި މި ޕްރޮގުރާމަކީ 1 އަހަރު ދުވަހުގެ މުއްދަތަށް ކުރިޔަށް ގެންދިއުމަށް ހަމަޖެހިފައިވާ ޕްރޮގްރާމެއް ކަމަށާއި މި ޕްރޮގްރާމަކީ މި ދާއިރާއަށް ބޭނުންންވާ މައިގަނޑު ހުރިހާ ހުނަރެއް އުގަންނައިދެވޭނެ ޕްރޮގްރާމެއްކަމަށް އެ ކޮލެޖުން މައުލޫމާތުދެއްވައެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026