01 ޖަނަވަރީ 2018
ސިވިލް ސަރވިސް ކަޕް ބެޑްމިންޓަން މުބާރާތް 2017 ޗެންޕިއަންކަން މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރގެ ޓީމު ހޯދައިފިއެވެ.ސިވިލް ސަރވިސް ކޮމިޝަނުން އިންތިޒާމުކޮށްގެން ޑިސެންބަރު 29 އަދި 30 ވަނަ ދުވަހު ކުޅިވަރު އެކުވެނީ އިންޑޯ ކޯޓްގައި ކުރިޔަށްގެންދިޔަ މި މުބާރާތުގެ ޗެންޕިއަންކަން މިނިސްޓްރީ އޮފް ހައުންސިންގ އެންޑް އިންފްރާސްޓްރަކްޗަރގެ ޓީމުން ހޯދާފައި ވަނީ މުބާރާތުގެ ފައިނަލްގައި މިނިސްޓްރީ އޮފް ޖެންޑަރ އެންޑް ފެމެލީގެ ޓީމާ ވާދަކޮށް ކުރިހޯދައިގެންނެވެ. މުބާރާތް ނިންމުމުގެ ގޮތުން ރޭ ބޭއްވި ރަސްމިއްޔާތުގައި މުބާރާތުގެ ޗެންޕިއަންކަން ހޯދިޓީމާއި މުބާރާތުގެ ދެވަނަ ހާޞިލްކުރި ޓީމަށް ތައްޓާއި ފައިސާގެ އިނާމު ހަވާލުކޮށްދެއްވީ ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމެވެ. މުބާރާތުގެ ތިންވަނަ ހޯދާފައި ވަނީ މިނިސްޓްރީ އޮފް ޔޫތު އެންޑް ސްޕޯޓްސްގެ ޓީމާއި މިނިސްޓްރީ އޮފް ހެލްތުގެ ޓީމެވެ.ިއަހަރުގެ މުބާރާތުގައި ސިވިލް ސަރވިސްގެ އެކި އިދާރާތަކުން 14 ޓީމު ބައިވެފައިވެއެވެ.
ސިވިލް ސަރވިސް ކަޕް ބެޑްމިންޓަން މުބާރާތަކީ ދިވެހި ސިވިލް ސަރވިސްގެ އިދާރާތަކުގެ މުވައްޒަފުންގެ މެދުގައި ގުޅުން ބަދަހިކޮށް މުވައްޒަފުންގެ މެދުގައި އިޖުތިމާއީ ރޫހު އާލާކުރުމުގެ މަޤްޞަދުގައި ސިވިލް ސަރވިސް ކޮމިޝަނުން އިސްނަގައިގެން ބެޑްމިންޓަން އެސޯސިއޭޝަނުގެ އެހީތެރިކަމާއެކު ކުރިޔަށްގެންދިޔަ މުބާރާތެކެވެ. ސިވިލް ސަރވިސްގެ އިދާރާތަކުގެ މުވައްޒަފުންނަށް ވާދަކުރެވޭގޮތަށް ކުރިޔަށްގެންދާ މި މުބާރާތް ބާއްވާ މިއީ ހަތަރުވަނަ ފަހަރެވެ. މި ފަހަރުގެ މުބާރާތް ސްޕޮންސަރ ކޮށްފައިވަނީ ދިރާގުންނެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026