14 އޭޕްރީލް 2018
![](/images/Posts/181/3643161e-581c-45ed-bdba-b15a8afd71a9_CSC_0008-e1523689942650-750x400.jpg)
ސިވިލް ސަރވިސްގެ 5 އިދާރާއެއްގެ 7 މަޝްރޫއަކުން މިއަހަރުގެ ސިވިލް ސަރވިސް އީޖާދީ އިނާމު ހާޞިލްކޮށްފިއެވެ.
އިނާމު ހާޞިލުކުރި ފަރާތްތަކާ އީޖާދީ އިނާމު ހަވާކުރުން އޮތީ މިއަދު ފެށުނު ސިވިލް ސަރވިސް 3 ވަނަ ކޮންފަރެންސް ހުޅުވުމުގެ ރަސްމިއްޔާތުގައެވެ. ސިވިލް ސަރވިސް 2018 އަށް 7 އިދާރާއަކުން ޖުމްލަ 10 މަޝްރޫޢެއް ހުށަހެޅި ނަމަވެސް އިނާމު ހާޞިލް ކޮށްފައި ވަނީ ފަސް އިދާރާއެއްގެ 7 މަޝްރޫއެވެ. މިގޮތުން ސުވާސާ ނުވަތަ ބްރޮންޒް ގިންތީގައި ހިމެނުނު ދެ މަޝްރޫޢު އަކީ މުވައްޒަފުންގެ ފަންނީ، ޢިލްމީ ޤާބިލިއްޔަތާއި އުފެއްދުންތެރިކަން އިތުރުކުރުމުގެ ގޮތުން ހިންގޭ ހަރަކާތްތަކުގެ ދާއިރާއިން ކޮޅުމަޑުލު އަތޮޅު ކައުންސިލުގެ އިދާރާގެ "މުވައްޒަފުންގެ ޤަބިލިއްޔަތާއި އުފެއްދުންތެރިކަން އިތުރުކުރުމުގެ މަޝްރޫއާ،ޚިދުމަތް ދިނުމުގެ ނިޒާމު ހަރުދަނާކޮށް ދެވޭ ޚިދުމަތުގެ ފެންވަރު މަތިކުރުމުގެ ދާއިރާއިން ބ މާޅޮހު ކައުންސިލުގެ އިދާރާގެ "ފެހިފަހި ގަސްކާނާ މަޝްރޫއެވެ. ރިހި އިނާމުގެ ގިންތިން ވެސް މިއަހަރު 2 މަޝްރޫއަކަށް އިނާމު ލިބިފައިވެއެވެ. އެ 2 މަޝްރޫއަކީ ޚިދުމަތް ދިނުމުގެ ނިޒާމު ހަރުދަނާކޮށް ދެވޭ ޚިދުމަތުގެ ފެންވަރު މަތިކުރުމުގެ ދާއިރާއިން މޯލްޑިވްސް އިމިގްރޭޝަންގެ "ދިވެހި ޕާސްޕޯޓް" މަޝްރޫއާ، އިންފޮމޭޝަން ޓެކްނޮލޮޖީ ބޭނުންކޮށްގެން އޮފީހުގެ މަސައްކަތް ހަލުވިކުރުމުގެ ދާއިރާއިން މިނިސްޓްރީ އޮފް ފިނޭންސް އެންޑް ޓްރެޜަރީގެ މަޝްރޫއެވެ. ރަން އިނާމުގެ ގިންތީގައި މި އަހަރު 3 މަޝްރޫއަކަށް އިނާމު ލިބިފައިވެއެވެ. އެ ތިން މަޝްރޫއަކީ ޚިދުމަތް ދިނުމުގެ ނިޒާމު ހަރުދަނާކޮށް ދެވޭ ޚިދުމަތުގެ ފެންވަރު މަތިކުރުމުގެ ދާއިރާއިން މޯލްޑިވްސް މޯލްޑިވްސް އިމިގްރޭޝަނުގެ "ޕާސްޕޯޓް ކާޑު މަޝްރޫ"އާއި، ހަމަ އެ ދާއިރާއިން މޯލްޑިވްސް އިމިގްރޭޝަނުގެ "އީގޭޓް"މަޝްރޫއާއި އިންފޮމެޝަން ޓެކްނޮލޮޖީ ބޭނުންކޮށްގެން އޮފީހުގެ މަސައްކަތް ހަލުވިކުރުމުގެ ދާއިރާއިން ނޭޝަނަލް ސޯޝަލް ޕްރޮޓެކްޝަން އޭޖެންސީގެ" އީއެންސްޕާ" މަޝްރޫއެވެ.
ސިވިލް ސަރވިސް އީޖާދީ އިނާމު 2018ގެ ސުވާސާ ގިންތިއާ ރިހި ގިންތީގައި ހިމެނުނު އިނާމުތައް މިއަދުގެ ޖަލްސާގައި ހަވާލުކޮށްދެއްވީ ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމެވެ. ރަން ގިންތީގައި ހިމެނުނު އިނާމުތައް ހަވާލުކޮށްދެއްވީ ރައީސުލް ޖުމްހޫރިއްޔާގެ ނައިބު އޮނަރަބަލް ޢަބުދުﷲ ޖިހާދެވެ.
ސިވިލް ސަރވިސް އީޖާދީ އިނާމަކީ ސަރުކާރުގެ އޮފީސްތަކުން ދެމުންދާ ޚިދުމަތުގެ ފެންވަރު ރަނގަޅު ކުރުމަށް އެ ތަންތަނުން އިސްނަގައިގެން ކުރާ އުފެއްދުންތެރި މަސައްކަތްތަކުގެ އަގު ވަޒަންކުރުމުގެ ގޮތުން، ސިވިލް ސަރވިސް ކޮމިޝަނުން 2012 ވަނަ އަހަރުން ފެށިގެން ދެމުން އަންނަ އިނާމެކެވެ. މި އިނާމް 2012 އަދި 2014 ވަނަ އަހަރު ދީފައި ވަނީ “ސިވިލް ސަރވިސް އިނޮވޭޝަން އެވޯޑް” ގެ ނަމުގައި. އިނާމުގެ ނަމާ، އިނާމުދެވޭ އުސޫލުތަކަށް ގެނެވުނު ބަދަލުތަކާއެކު، 2016 ވަނަ އަހަރުން ފެށިގެން މި އިނާމު ދެމުން އައިސްފައި ވަނީ “ ސިވިލް ސަރވިސް އީޖާދީ އިނާމު” ގެ ނަމުގައެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023