15 އޭޕްރީލް 2018
ސިވިލް ސަރވިސް ކޮންފަރެސްގެ ފުރަތަމަ ދުވަހު ޖުމްލަ ފަސް ކަރުދާހެއް ހުށަހަޅައިފިއެވެ. ސިވިލް ސަރވިސްގެ 3ވަނަ ކޮންފަރެންސްގެ ފެށުމުގެ ރަސްމިއްޔާތަށްފަހު ފުރަތަމަ ކުރިޔަށް ދިޔައީ ކީނޯޓް ސްޕީކަރ އެއް ކަމުގައިވާ މެލޭޝިޔާގެ ޕްރައިމިނިސްޓަރ ޑިޕާޓްމަންޓުގެ ޑެޕިއުޓީ ޑިރެކްޓަރ ޖެނެރަލް ޑރ. ސުހާޒިމަތު ބިންތި ޒަޒާލީގެ ވާހަކަފުޅު ދެއްކެވުމެވެ. ޑރ. ސުހާޒިމަތު ބިންތި ޒަޒާލީގެ ވާހަކަފުޅު މައިގަނޑުގޮތެއްގައި ބިނާކުރެއްވީ ޑިޖިޓަލް ޑޭޓާ ޓްރާންސްފޯމޭޝަން އަދި ޚިދުމަތްތައް ޑިޖިޓަލައިޒްކުރުމާ ބެހޭގޮތުންނެވެ.
ކޮންފަރެންސްގެ ފުރަތަމަ ކަރުދާހެއްގެ ގޮތުގައި ހުށަހަޅާފައި ވަނީ އިންދްރާ ގާންދީ މެމޯރިއަލް ހޮސްޕިޓަލުގެ ފަރާތުން ހުށަހެޅި ކަރުދާހެވެ. މި ކަރުދާހަކީ ބިނާކުރައްވާފައި ވަނީ އައިޖީއެމްއެޗް އޮގަނައިޒޭޝަނަލް ރިފޯމް އެންޑް އިންޕްލިކޭޝަން ޕްރޮޖެކްޓެވެ. ދެވަނަ ކަރުދާހެއްގެ ގޮތުގައި ހުށަހަޅާފައި ވަނީ އިންފޮމޭޝަން ކޮމިޝަނުގެ ފަރާތުން ހުށަހެޅި ކަރުދާހެވެ. މި ކަރުދާސް ބިނާކުރައްވާފައި ވަނީ ޚިދުމަތްތައް ކުރިއަރުވައި ޒަމާނީ ކުރުމަށްޓަކައި މަޢުލޫމާތު ބަލަހައްޓައި ހާމަކުރުމުގެ މުހިންމުކަމުގެ މައްޗަށެވެ. ކޮންފަރެންސްގައި ތިންވަނަ އަށް ހުށަހަޅާފައި ވަނީ އަމިއްލަ ފަރާތަކުން ހުށަހަޅާފައިވާ ހުށަހެޅުމެވެ. ވަސީމާ އަހުމަދު ހުށަހަޅުއްވާފައިވާ މި ކަރުދާހުގެ މައުލޫއަކީ "އެކްސަލަރޭޓިން އޮގަނައިޒޭޝަނަލް ޕަރޕޯމަންސް ބައި އެޑޮޕްޓިން ބެލެންސް ސްކޯ ކާރޑް މެތަޑް އިންޓު ދަ ޕަރފޯމަންސް މޮނިޓަރިން މެކޭނިޒަމް އޮފް މޯލްޑިވްސް ސިވިލް ސަރވިސް" މި މައުލޫއަށެވެ. ހަތަރުވަނަ އަށް ހުށަހަޅާފައި ވަނީ ލޯކަލް ގަވަރމަންޓް އޮތޯރިޓީގެ ފަރާތުން ހުށަހެޅި ކަރުދާސް" ލޯކަލް ކައުންސިލް ޕަރފޯމަންސް އިންޑެކްސް" މި ކަރުދާހެވެ. މިކަރުދާހަށްފަހު ދެން ކަރުދާސް ހުށަހެޅުއްވީ އާމިނަތު އައްބާސް އާއި މަހާސިން އަޙުމަދު ދީދީއެވެ. މި ކަރުދާހަކީ " ކޮންޕަރޭޓިވް ސްޓަޑީ އޮފް އޮގަނައިޒޭޝަނަލް ކަލްޗަރ އިން ޕަބްލިކް ސެކްޓަރ އޮގަނައިޒޭޝަންސް ޔޫސިންގ ކޮމްޕީޓިންގ ވެލިއުސް ފްރޭމްވޯކް" މި މައުލޫގެ މައްޗަށް ހުށަހަޅާފައިވާ ކަރުދާހެކެވެ. ކޮންފަރެންސްގެ ފުރަތަމަ ދުވަހުގެ އެންމެފަހު ކަރުދާހެއްގެ ގޮތުގައި ހުށަހަޅާފައި ވަނީ އެންޓިކޮރަޕްޝަން ކޮމިޝަނުގެ ފަރާތުން ހުށަހެޅި ކަރުދާހެވެ. މި ކަރުދާސް ހުށަހެޅުއްވީ އައިޝަތު މަނާލް ޚާލިދު އަދި އިކްލީލާ އިސްމާއިލްއެވެ. މި ދެބޭފުޅުން ހުށަހެޅުއްވި ކަރުދާހުގެ މައުލޫއަކީ "ލިންކޭޖަސް އޮފް އެޑްމިނިސްޓްރޭޓިވް ނެގްލިޖަންސް އިން ރެކްރޫޓްމަންޓް އެންޑް ކޮރަޕްޝަން ރިސްކްސް" މި މައުލޫއެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026