ޗައިނާގެ ހައިކޯ ސިޓީގެ ހުނާން ޕްރޮވިންސްގައި މި މަހުގެ 13 އިން 26 އަށް ކުރިޔަށްގެންދާ “ސެމިނަރ އޮން ގަވަރމަންޓް ފަންކްޝަނަރީ ކެޕޭސީޓީ ސެމިނަރ ފޯ މޯލްޑިވްސް”ގެ ސެޝަންތައް ފެށިގެން ކުރިޔަށް އެބަދެއެވެ. މި ތަމްރީނު ޕްރޮގްރާމުގައި ރާއްޖޭގެ އެކިއެކި މިނިސްޓްރީތަކާ ސިވިލް ސަރވިސް ކޮމިޝަނުގެ މުވައްޒަފުން ހިމެނޭގޮތުން ޖުމްލަ 20 މުވައްޒަފަކު ބައިވެރިވެއެވެ. މި ސެމިނާރގައި ކުރިޔަށްދާ ސެޝަންތަކުގައި އަލި އަޅުވާލާ މަޢުލޫޢުތަކުގެ ތެރޭގައި ޗައިނާގެ ތާރީޚާއި އާދަކާދައާއި ޘަޤާފަތް، ޗައިނާގެ އިޤްތިސާދީ ތަރައްޤީގެ ހާލަތާއި، ޗައިނާގައި ގެންގުޅޭ މެނޭޖްމަންޓް ސްޓްރެޓެޖީތަކާއި ޕަބްލިކް ސަރވަންޓުން ރެކްރޫޓްކުރުމުގައި ޗައިނާއިން ގެންގުޅޭ ސްޓްރެޓެޖީތަކާއި ޗައިނާގެ އާދަކާދައާއި ސްޓްރެޓެޖިން މެނޭޖްމަންޓުގެ ވިސްނުންތަކާއި ހިއުމަން ރިސޯސް ސްޓްރެޓެޖީ  ޕްލޭނިންގ ފަދަ  މައުލޫޢުތައް ހިމެނެއެވެ. މީގެ އިތުރުން  ޕަރފޯމަންސް މެނޭޖްމަންޓް ޕްލޭންނިންގ ޗައިނާގެ ހަނގްޖޯ މުނިސިޕަލް ގަވަރމަންޓުން ކުރިޔަށްގެންދަވާ ގޮތުގެ މައުލޫމާތު ހިއްސާކުރުން ފަދަ މައުލޫމާތާއި ތަޖްރިބާ ހިއްސާކުރުމުގެ ސެޝަންތަކެއްވެސް މި ސެމިނަރގައި ކުރިޔަށް ގެންދެވޭނެއެވެ. މި ސެމިނާރގެ މައުލޫގައިވާ ދާއިރާތަކުން ޗައިނާގެ ތަޖްރިބާ ދިވެހި ސިވިލް ސަރވިސްގެ މުވައްޒަފުންނާ ހިއްސާކުރުމުގެ އިތުރުން ޗައިނާގެ ބައެއް ސިޓީތަކާއި މަޝްހޫރު ތަންތަނަށް ޒިޔާރަތްކުރުމަށްވެސް ހަމަޖެހިފައިވެއެވެ.