ސިވިލް ސަރވިސްގެ މުވައްޒަފުންނަށް ޕާކިސްތާނުން ތަމްރީނުގެ ފުރުޞަތުތައް ފަހިކުރުމާގުޅޭގޮތުން ކޮމިޝަނުން ޕާކިސްތާނު ސަފީރާ މަޝްވަރާކުރައްވައިފިއެވެ. ރާއްޖޭގައި ހުންނަ  ޕާކިސްތާނު އެމްބަސީގައި މިއަދު ބޭއްވި ބައްދަލުވުމެއްގައި ކޮމިޝަނުގެ ފަރާތުން ކޮމިޝަނުގެ ރައީސް ޑރ. ޢަލީ ޝަމީމާއި ކޮމިޝަނުގެ މެންބަރު ފާޠިމަތު ރީނީ ޢައްބުދުއްސައްތާރާއި ކޮމިޝަނުގެ ސެކްރެޓަރީ ޖެނެރަލް އިބްރާހިމް ޒުހުރީގެ އިތުރުން ކޮމިޝަނުގެ އެޗްއާރު ހެޑް ފާޠިމަތު މުޙައްމަދު ބައިވެރިވެ ވަޑައިގެންނެވިއެވެ. މި ބައްދަލުވުމުގައި ކޮމިޝަނުގެ ރައީސް ދެއްކެވި ވާހަކަފުޅުގައި ޕާކިސްތާނުގެ މުވައްޒަފުން ތަމްރީނު ކުރާ ބައެއް މަރުކަޒުތަކާއެކު މިހާރުވެސް ވެފައިވާ އެއްބަސްވުންތަކުގެ އިތުރުން އިތުރު ފަރާތްތަކާއެކު އެއްބަސްވުންތައް އެކުލަވާލުމަށް މަޝްވަރާކުރެއްވިއެވެ. މީގެ އިތުުރުން ޕާކިސްތާނުން ތަމްރީނާއި ތަޖްރިބާގެ ފުރުޞަތުތައް އިތުުރުކުރެއްވުމާ ބެހޭގޮތުން ވެސް މި ބައްދަލުވުމުގައި މަޝްވަރާކުރެއްވުނެވެ. މި ބައްދަލުވުމުގައި ޕާކިސްތާނުގެ ހިޒް އެކްސެލެންސީ ވައިސް އެޑްމިރަލް ވަސީމް އަކްރަމް ދެއްކެވި ވާހަކަފުޅުގައި ޕާކިސްތާނު އެއްބަސީން ރާއްޖޭގެ ސިވިލް ސަރވިސްއަށް ބޭނުންވާ ދާއިރާތަކުން އެެހީތެރިކަން ހޯދުމަށް އެމްބަސީން މަސައްކަތްކޮށްދެއްވާނެކަމަށް ވިދާޅުވިއެވެ.