ދިވެހި ޖުމްހޫރިއްޔާއަށް 50 އަހަރު ފުރުން ފާހަގަކުރުމާއި ސިވިލް ސަރވިސްއަށް 10 އަހަރު ފުރުން ފާހަގަކުރުމަށް ސިވިލް ސަރވިސް ކޮމިޝަނާއި ހޯމް މިނިސްޓްރީ ގުޅިގެން  ހިންގުމަށް ރާވާފައިވާ ހަރާކާތްތަކުގެ ތެރޭގައި ހިމެނޭ ޓެލެންޓު ޝޯ މާދަމާ ރޭ ( ބުރާސްފަތި ދުވަހުގެ ރޭ ) ބޭއްވުމަށް ހަމަޖައްސަވައިފިއެވެ.  އޮލިންޕަހުގައި ކުރިޔަށްގެންދަން ރާވާފައިވާ މި ޓެލެންޓް ޝޯގައި ސިވިލް ސަރވިސްގެ 10 އިދާރާއަކުން ޖުމްލަ 10 އައިޓަމެއް ހުށަހެޅުމަށް ވަނީ ހަމަޖެހިފައިވެއެވެ. މި ޝޯ ކުރިޔަށްދާނީ ބުރާސްފަތި ދުވަހުގެ ރޭ 20:00 އިން 23:30 އަށް ކަމަށް ޝޯގެ އިންތިޒާމުތައް ހަމަސައްޖައްސަވާ ކޮމެޓީން މަޢުލޫމާތުދެއްވައެވެ. މި ޝޯގައި އެންސީއޭ ބޭންޑުގެ ބައެއް ހުށަހެޅުންތައް ހުށަހަޅައިދިނުމަށް ވެސް ހަމަޖެހިފައި ވެއެވެ.

ދިވެހި ޖުމްހޫރިއްޔަތަށް 50 އަހަރު ފުރުން ފާހަގަކުރުމަށް ކުރިޔަށްގެންދަވާ ހަރާކާތްތައް ކުރިޔަށްގެންދެވުމުގެ މަޤްޞަދަކީ ޖުމްހޫރީ ނިޒާމާ ބޭހޭގޮތުން މަޢުލޫމާތުފޯރުކޮށްދީ ރައްޔިތުން ހޭލުންތެރިކުރުވުން ކަމަށާއި، ސިވިލް ސަރވިސް އަށް 10 އަހަރުފުރުން ފާހަގަކުރުމަށް ކުރިޔަށްގެންދަވާ ހަރަކާތްތަކުގެ މަޤްޞަދަކީ ސިވިލް ސަރވިސްގެ މުވައްޒަފުންގެ މެދުގައި އެކުވެރިކަމާ އެއްބައިވަންތަކަން އާލާކުރުމެވެ.