05 އޭޕްރީލް 2018
ދިވެހި ޖުމްހޫރިއްޔާއަށް 50 އަހަރު ފުރުން ފާހަގަކުރުމާއި ސިވިލް ސަރވިސްއަށް 10 އަހަރު ފުރުން ފާހަގަކުރުމަށް ސިވިލް ސަރވިސް ކޮމިޝަނާއި ހޯމް މިނިސްޓްރީ ގުޅިގެން ހިންގުމަށް ރާވާފައިވާ ހަރާކާތްތަކުގެ ތެރޭގައި ހިމެނޭ ޓެލެންޓު ޝޯ މިރޭ ބާއްވައިފިއެވެ. އޮލިންޕަހުގައި ބޭއްވި މި ޝޯގައި ޖުމްލަ 19 އައިޓަމެއް ހިމެނުނުއިރު އޭގެ ތެރޭގައި އެކި އިދާރާތަކުން ހުށަހެޅުއްވި އައިޓަމުތަކާއި ކުރީގެ މަޝްހޫރު ލަވަކިއުންތެރިން ހިމެނޭ އެންސީއޭ ބޭންޑުގެ ހުށަހެޅުންތަކެއް ވެސް ފެނިގެންގޮސްފައިވެއެވެ.
މި އިވެންޓް ފައްޓަވައިދެއްވައި ވާހަކަދައްކަވަމުން ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމު ވަނީ މިފަދަ ކަންކަމުގައި ސިވިލް ސަރވިސްގެ އެކި އޮފީސްތަކުން ދެއްވާ އެއްބާރުލެއްވުން ފާހަގަކުރައްވާ ޝުކުރު އަދާކުރައްވާފައެވެ. އަދި ޖުމްހޫރީޔާއަށް ފަންސާސް އަހަރު ފުރުމާއި ސިވިލް ސަރވިސްއަށް 10 އަހަރު ފުރުން ފާހަގަކުރުމަށް ބާއްވާ ހަރަކާތްތަކުގެ ތެރޭގައި ކުރިޔަށް ރޭވިފައިވާ ހަރަކާތްތަކަށް ވެސް އިދާރާތަކުން އެއްބާރުލުން ދެއްވުމަށް ކޮމިޝަނުގެ ރައީސް އެދިވަޑައިގެންނެވިއެވެ. މީގެ އިތުރުން ޑރ. ޢަލީ ޝަމީމުގެ ވާހަކަފުޅުގައި ސިވިލް ސަރވިސްގެ މުވައްޒަފުން ތަމްރީނުކުރުމުގެ ދާއިރާއިން އެދެވޭ ކުރިއެރުންތަކެއް ހޯދިފައިވާކަން ފާހަގަކުރައްވާ މުވައްޒަފުންގެ ޚިދުމަތުގެ ފެންވަރު ވެސް މަތި ކުރެއްވުމަށް މަސައްކަތްކުރެއްވުމަށް މުވައްޒަފުންގެ ކިބައިން އެދިވަޑައިގެންނެވިއެވެ.
ދިވެހި ޖުމްހޫރިއްޔަތަށް 50 އަހަރު ފުރުން ފާހަގަކުރުމަށް ކުރިޔަށްގެންދަވާ މި ހަރާކާތްތައް ކުރިޔަށްގެންދެވުމުގެ މަޤްޞަދަކީ ޖުމްހޫރީ ނިޒާމާ ބޭހޭގޮތުން މަޢުލޫމާތުފޯރުކޮށްދީ ރައްޔިތުން ހޭލުންތެރިކުރުވުމާއި، ސިވިލް ސަރވިސް އަށް 10 އަހަރުފުރުން ފާހަގަކުރުމަށް ކުރިޔަށްގެންދަވާ ހަރަކާތްތަކުގެ މަޤްޞަދަކީ ސިވިލް ސަރވިސްގެ މުވައްޒަފުންގެ މެދުގައި އެކުވެރިކަމާ އެއްބައިވަންތަކަން އާލާކުރުމެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026