ޗައިނާގެ ހައިކޯ ސިޓީގެ ހުނާން ޕްރޮވިންސްގައި މި މަހުގެ 13 އިން 26 އަށް ބާއްވާ "ސެމިނަރ އޮން ގަވަރމަންޓް ފަންކްޝަނަރީ ކެޕޭސީޓީ ސެމިނަރ ފޯ މޯލްޑިވްސް"ގައި  ބައިވެރިވާ ދިވެހި ސިވިލް ސަރވިސްގެ 20 މުވައްޒަފުންނާއި ޗައިނާގެ ހަންގޖޯ ސިޓީގެ ޒިއުޒޯންގ ޕްރޮވިންސްގައި މިމަހުގެ 12 އިން 25 އަށް ބާއްވާ

" ސެމިނަރ އޮން ސްޓްރެޓެޖިކް ހިއުމަން ރިސޯސް ޕްލޭނިންގ ފޯ މޯލްޑިވްސް"ގައި  ބައިވެރިވާ ސިވިލް ސަރވިސްގެ މުވައްޒަފުންނާއި ކޮމިޝަނުގެ ރައީސް ބައްދަލުކުރެއްވުން އޮތީ ކޮމިޝަނުގެ ޓްރެއިނިންގ ރޫމުގައެވެ. މި ބައްދަލުކުރެއްވުމުގައި ކޮމިޝަނުގެ ރައީސް ޑރ. ޢަލީ ޝަމީމު ދެއްކެވި ވާހަކަފުޅުގައި ޗައިނާގެ ހިންގުމުގެ ނިޒާމުގެ އީޖާދީ ކަންކަންމުގެ މަޢުލޫމާތު ލިބިގަނެ އެ ކަންކަމާއެކު ރާއްޖޭގެ ސިވިލް ސަރވިސްގެ ކަންކަން ހަރުދަނާކުރުމަށް މުވައްޒަފުން މަސައްކަތް ކުރެއްވުމަށް އެދިވަޑައިގެންނެވިއެވެ.

މި 2 ސެމިނާރގެ ތެރޭން " ސެމިނަރ އޮން ސްޓްރެޓެޖިކް ހިއުމަން ރިސޯސް ޕްލޭނިންގ ފޯ މޯލްޑިވްސް"ގައި ބައިވެރިވާ ސިވިލް ސަރވިސްގެ ޓީމު 10 އެޕްރީލް ވާ އަންގާރަ ދުވަހުގެ ރޭ ޗައިނާއަށް ފުރުމަށް ވަނީ ހަމަޖެހިފައެވެ. އަދި "ސެމިނަރ އޮން ގަވަރމަންޓް ފަންކްޝަނަރީ ކެޕޭސީޓީ ސެމިނަރ ފޯ މޯލްޑިވްސް"ގައި  ބައިވެރިވާ މުވައްޒަފުން ޗައިނާއަށް ފުރުމަށް ހަމަޖެހިފައިވަނީ 12 އެޕްރީލް ވާ ބުރާސްފަތި ދުވަހުގެ ރެއެވެ.