01 މެއި 2018
ސިވިލް ސަރވިސް އަށް 10 އަހަރު ފުރޭ މުނާޞަބާ ފާހަގަކުރުގެ ހަރަކާތްތައް ކ. ހިންމަފުށީގައި ފަށައިފިއެވެ. ސިވިލް ސަރވިސްއަށް 10 އަހަރު ފުރޭ މުނާޞަބާ ފާހަގަކުރުމުގެ ހަރަކާތްތައް ފަށާފައި ވަނީ ހިންމަފުށީފައި ޖަމާޢަތުގައި ކުރެވުނު ފަތިސް ނަމާދުންނެވެ. އެއަށް ފަހު މިއަދު ހެނދުނު ވަނީ ގަސް އިންދުމުގެ ހަރަކާތެއް ބާއްވާފައެވެ. މިހަރަކާތް ކުރިޔަށް ގެންގޮސްފައި ވަނީ ހިންމަފުށީ ހިއްކިބިން ސަރަހައްދުގައެވެ. އެއަށްފަހު ދެން ކުރިޔަށް ގެންގޮސްފައި ވަނީ އެކުވެރި ކަމުގެ ފުޓްބޯޅަ މެޗްތަކެކެވެ. މި މެޗްތަކުގެ ތެރޭން އަންހެން ޓީމުތައް ބައްދަލުކުރި މެޗް ކާމިޔާބުކުރީ ސިވިލް ސަރވިސް ކޮމިޝަނުގެ އަންހެން ކަނބަލުން ހިމެނޭ ޓީމެވެ. ފިރެހެން ޓީމުގެ މެޗްގައި ސިވިލް ސަރވިސް ކޮމިޝަނުގެ ޓީމާ ހިންމަފުށީގެ ޓީމު ބައްދަލުކުރި މެޗް ކާމިޔާބު ކުރީ ހިންމަފުށީގެ ޓީމެވެ. މީގެ އިތުުރުން ދެން މިއަދު ކުރިޔަށް ދިޔައީ ވާދެމުމެވެ. ވާދެމުމުން ހިންމަފުށީ ޓީމާއި ސިވިލް ސަރވިސްގެ އަންހެން ކަނބަލުންގެ ޓީމު ބައްދަލުކޮށް ކާމިޔާބުކުރީ ހިންމަފުށީ އަންހެން ކަނބަލުންގެ ޓީމެވެ. ވާދެމުމުން ސިވިލް ސަރވިސް ކޮމިޝަނުގެ ފިރިހެން މުވައްޒަފުންގެ ޓީމާއި ހިންމަފުށީގެ ޓީމު ބައްދަލުކޮށް ކާމިޔާބުކުރީ ހިންމަފުށީގެ ޓީމެވެ. މިހަރަކާތްތަކުގެ އިތުރުން ސިވިލް ސަރވިސްގެ ޤަވާޢިދާ ބެހޭގޮތުން ހޭލުންތެރި ކުރުމުގެ ގޮތުން ބާއްވާ ކުުއިޒު މުބްރާތެއް މިއަދު މެންދުރުފަހު ހިންމަފުށީގެ 4 މުވައްޞަސާގެ މެދުގައި ކުރިޔަށްދާނެއެވެ. އަދި އަހަރީ ދުވަހުގެ ހަރަކާތްތަކުގެ އެންމެ ފަހު އައިޓަމެއްގެ ގޮތުގައި މިރޭ ހިންމަފުށީގައި ޑިނަރ ނައިޓެއް ބޭއްވުމަށް ވެސް ވަނީ ހަމަޖެހިފައެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026