މިނިސްޓްރީ އޮފް ޔޫތް އެންޑް ސްޕޯޓްސްގެ ޕަރމަނަންޓް ސެކްރެޓަރީގެ މަޤާމަށް ނެޝަނަލް ބިއުރޯ އޮފް ކްލެސިފިކޭޝަނުގެ ޑިރެކްޓަރގެ މަޤާމުގައި ހުންނެވި ޙުސައިން ޝަރީފު ހަމަޖައްސަވައިފިއެވެ. ޕަރމަނަންޓް ސެކްރެޓަރީ ތައާރަފްވުމުމުގެ ގޮތުން މިއަދު މިނިސްޓްރީ އޮފް ޔޫތް އެންޑް ސްޕޯޓްސްގައި ބޭއްވި ރަސްމިއްޔާތެއްގައި ޙުސައިން ޝަރީފު ޕަރމަނަންޓް ސެކްރެޓަރީގެ މަޤާމަށް ހަމަޖެއްސެވިކަމުގެ ލިޔުން،  މިނިސްޓަރ އޮފް ޔޫތް އެންޑް ސްޕޯޓްސް އިރުތިޝާމް އާދަމްއާ ހަވާކޮށްދެއްވުން އޮތެވެ. ކޮމިޝަނުގެ ފަރާތުން މި ލިޔުން މިނިސްޓަރާ ހަވާލުކޮށްދެއްވީ ކޮމިޝަނުގެ ކޮމިޝަނުގެ ނައިބުރައީސް ޝަހީދު މުހައްމަދެވެ.

ޕަރމަނަންޓް ސެކްރެޓަރީގެ މަޤާމަށް ހަމަޖެއްސެވި ޙުސައިން ޝަރީފު ކުރިން އަދާކުރެއްވި ވަޒީފާތަކުގެ ތެރޭގައި ނެޝަނަލް ބިއުރޯ އޮފް ކްލެސިފިކޭޝަންގެ ޑިރެކްޓަރގެ މަޤާމުގެ އިތުރުން މިނިސްޓްރީ އޮފް ހޯމް އެފެއާޒްގެ ޑިރެކްޓަރ ކަމުގެ މަޤާމު ހިމެނެއެވެ. މީގެ އިތުރުން ކޮމިއުނިޓީ އޮގަނައިޒޭޝަންސް ޑިވެލޮޕްމަންޓް ކައުންސިލާ މިނިސްޓްރީ އޮފް ޔޫތް އެންޑް ސްޕޯޓްސްގެ ބައެއް މަޤާމުތައް ވެސް ޝަރީފު ފުރުއްވާފައިވެއެވެ.

ޙުސައިން ޝަރީފު މާސްޓާރސް ޑިގްރީ ޙާޞިލުކުރައްވާފައި ވަނީ ބިޒްނަސް އެޑްމިނިސްޓްރޭޝަންގެ ދާއިރާއިންނެވެ. މީގެ އިތުރުން ޕަބްލިކް އެޑްމިނިސްޓްރޭޝަން ދާއިރާ އާއި ސްޕޯޓްސް މެނޭޖްމަންޓްގެ ދާއިރާއިން ޙުޞައިން ޝަރީފު ވަނީ ޑިޕްލޮމާ ހާޞިލްކުރައްވާފައެވެ.