05 ޖޫން 2018
![](/images/Posts/149/0ccac669-43ca-46b0-9d0d-9ee3a332e1e1_CSC_6846-750x400.jpg)
ސިވިލް ސަރވިސްގެ މަޤާމުތަކުގެ މަސައްކަތުދާއިރާ އަދި ތަޢުލީމީ ރޮނގު އަދި ތައުލީމީ ރޮނގާ ގުޅޭ ސެޓްފިކެޓްތައް ކޮމިޝަނުން ކަނޑައަޅުއްވާގޮތަށް ބަދަލުކުރައްވާ އެގޮތަށް އަމަލުކުރަން ފަށައިފިއެވެ. 1 އެޕްރީލުން ފެށިންގެން މި އާ އުސޫލަށް އަމަލުކުރަން ފެށުމުން ސިވިލް ސަރވިސްގެ ވަޒީފާތަކުގެ ދާއިރާތައް ކަނޑައަޅައި އެ ދާއިރާތަކުގެ ތައުލީމީ ރޮންގުތަކާއި އަދި އެ ތައުލީމީ ރޮނގުތަކާ ގުޅޭ ސެޓްފިކެޓްތައް ކަނޑައަޅާނީ ސިވިލް ސަރވިސް ކޮމިޝަނުންނެވެ. މީގެ ކުރިން އެކަންކުރަމުން އައީ އިދާރާތަކުގައި ޤާއިމުވެފައިވާ އެޗްއާރުއެމްޑީ ކޮމެޓީތަކުންނެވެ. ސިވިލް ސަރވިސް ކޮމިޝަނުން މި ބަދަލު ގެންނެވީ މަސައްކަތުގެ ދާއިރާއާއި ތައުލީމީ ރޮނގުތަކާއި އެރޮނގުތަކާ ގުޅޭ ސެޓްފިކެޓްތައް އިދާރާތަކުން ކަނޑައަޅާގޮތަށް އޮތުމުން ތަޢުލީމީ ރޮނގުތައް ކަނޑައެޅުމާއި އަދި އެދާއިރާތަކާ ގުޅޭ ތައުލީމީ ސެޓްފިކެޓްތައް ކަނޑައެޅުމުގައި އެކި އިދާރާތަކުގެ މެދުގައި ހުރި ފަރަގުތައް ނަތާލައި މި ކަންކަމުގައި ހުރިހާ އިދާރާއަކުން އެއްގޮތަކަށް އަމަލުކުރެވޭނެ ނިޒާމެއް ޤާއިމުކުރުމުގެ މަޤްޞަދުގައެވެ. މިހާރު މި ގެނެވުނު ބަދަލާއެކު ސިވިލް ސަރވިސްގެ އިދާރާތަކުން ވަޒީފާއަކަށް އިއުލާނު ކުރާއިރު އެ ވަޒީފާއެއްގެ ދާއިރާ ސިވިލް ސަރވިސްގެ 'ވިއުގަ'އިގެ ތެރޭގައި އެ ދާއިރާއެއް ކަނޑައަޅާފައި ވޭތީ ޔަޤީންކުރަންޖެހެއެވެ. މި ގޮތުން ދާއިރާ ކަނޑައަޅާފައި ނުވާނަމަ ޖޮބް ރެސްޕޮންސިބިލިޓީ ރިކުއެސްޓެއް 'ވިއުގަ'އިގެ ތެރޭން އެ އިދާރާއަކުން ސިވިލް ސަރވިސް ކޮމިޝަނަށް ފޮނުވަންޖެހޭނެއެވެ.
ސިވިލް ސަރވިސް ކޮމިޝަނުން ގެނައި މިބަދަލާއެކު މިހާރު ސިވިލް ސަރވިސްގެ ވަޒީފާތަކަށް މުވައްޒަފުން ހަމަޖެއްސުމާއި، ވަޒީފާތަކުގެ ތައުލީމީ ރޮނގުތައް ކަނޑައެޅުމުގައި ހުރި ތަފާތުތައް ނައްތާލެވި ހުރިހާ އިދާރާއަކުންވެސް ސިވިލް ސަރވިސްގެ ވަޒީފާތަކުގެ ކަންކަން ހަމަޖެއްސުމުގައި އެއް ހަމައަކުން އަމަލުކުރެވެމުންދާނެއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023