ދިވެހި ސިވިލް ސަރވިސްގެ މުވައްޒަފުންތަކެއް ޗައިނާގައި ތަމްރީނުތަކެއް ފުރިހަމަކުރަމުން އެބަގެންދެއެވެ. މި މަހުގެ 5 އިން 18 އަށް ޗައިނާގައި ކުރިޔަށްދާ މި ތަމްރީނު ޕްރޮގްރާމުގައި ސިވިލް ސަރވިސްގެ އެކި އިދާރާތަކުން ބައިވެރިވާ 10 މުވައްޒަފުންނާއި ލޯކަލް ގަވަމަންޓް އޮތޯރިޓީ އެލްޖީއޭގެ 10 މުވައްޒަފުން ބައިވެރިވެއެވެ. މި މުވައްޒަފުންނަށް ތަމްރީނާއި މަޢުލޫމާތު ދެވޭ ދާއިރާތަކުގެ ތެރޭގައި، ޗައިނާގެ ސިވިލް ސަރވިސްގެ ހިނގާގޮތާއި ޗައިނާގައި އިޤްތިޞާދީ ކަންކަން ހިނގާގޮތައި ޚާރިޖީ ގުޅުންތައް ކުރިޔަށްގެންދެވޭގޮތުގެ މައުލޫމާތު ހިމެނެއެވެ. މީގެ އިތުރުން ޗައިނާގެ ތަރައްޤީކުޔަށްގެންދެވޭ ގޮތާއި އިޤްޠިސާދީ ބޮޑެތި މަޝްރޫއުތަކުގެ މައުލޫމާތާއި ތަޖްރިބާ ހިއްސާކުރުން ވެސް މި ޕްރޮގްރާމުގައި ހިމެނެއެވެ.

ޗައިނާގައި ތަމްރީނު ފުރިހަމަކުރަމުންދާ ދިވެހި ސިވިލް ސަރވިސްގެ ވަފުދަށް ޗައިނާގެ ޘަޤާފަތާއި އުމްރާނީ ކުރިއެރުންތައް ބަލާލާ ތަޖްރިބާކޮށްލުމުގެ ފުރުޞަތާއި އަދި ޗައިނާގެ މަޝްހޫރު ބައެއް ތަންތަނާއި އިޖްތިމާއީ ޚިދުމަތްތައް ދޭ ތަންތަނަށް ޒިޔާރަތްކުރުމުގެ ފުރުޞަތު ޗައިނީޒް ޗައިނީޒް އެކަޑަމީ އޮފް ގަވަނަންސްގެ ފަރާތުން ވަނީ ފަހިކޮށްދެއްވާފައެވެ.