18 ޖުލައި 2018
![](/images/Posts/137/d2c6ea62-9869-4c98-ac0b-5acde438da69_DSC_2898-e1531949140884-750x400.jpg)
"ސްޓްރެޓީޖިކް ލީޑަރޝިޕް؛ ބެލްޓު އެންޑް ރޯޑު އިނިޝިއޭޓިވް" މި މައުލޫއަށް ޗައިނީޒް އެކަޑަމީ އޮފް ގަވަނަންސްގެ ޕްރޮފެސަރ ޑރ. ސޫ ޕެންގްފެއިގެ ޚާއްޞަ ލެކްޗަރ އެއް ބާއްވައިފިއެވެ. " އެގްޒެކެޓިވް ޓްރެއިނިންގް ފޯ މޯލްޑިވްސް ސިވިލް ސަރވަންޓްސް 2018"ގެ ނަމުގައި ސިވިލް ސަރވިސް ޓްރެއިނިންގ އިންސްޓިޓިއުޓުގައި ތަމްރީނު ޕްރޮގްރާމެއް ހިންގެވުމަށް ރާއްޖެވަޑައިގެންނެވި ޕްރޮފެސަރުންގެ ޓީމުގައި ހިމެނިވަޑައިގަންނަވާ ޕްރޮފެސަރ ސޫ ޕެންގްފޭގެ މި ލެކްޗަރ ބާއްވާފައި ވަނީ 18 ޖުލައި 2018ގައި ޤައުމީ ޔުނިވަރސިޓީގެ ފެކަލްޓީ އޮފް އެޑިއުކޭޝަންގެ އޮޑިޓޯރިއަމްގައެވެ. ޕްރޮފެސަރުގެ މި ލެކްޗަރ ގައި ޗައިނާއާ ދިވެހި ރާއްޖެއަކީ ވަރަށް ކުރީޒަމާނުއްސުރެ ގުޅުން އޮންނަ ދެ ޤައުމުކަން ފާހަގަކުރައްވައި، 14 ވަނަ ގަރުނާ ހިސާބުގައި ވެސް ޗައިނާއާ ރާއްޖެއާ ދެމެދު ދެމެދުގެ ގުޅުންތައް އޮތްކަމުގެ ހެކިތައް ފެންނަން ހުރިކަން ފާހަގަކުރެއްވިއެވެ. އަދި ރާއްޖެއަކީ ޚާއްޞަގޮތެއްގައި ޗައިނާގެ ސިލްކް ރޫޓު މަޝްރޫއުގެ ބައިވެރިއެއްކަމުން ރާއްޖެއަށް ގިނަގުނަ ފައިދާތައް ލިބެމުންދާކަން ފާހަގަކުރެއްވިއެވެ. އޭގެ ތެރޭގައި ޗައިނާ މޯލްޑިވްސް ފްރެންޑްޝިޕް ބްރިޖާއި، ޗައިނާ ސަރުކާރުން ރާއްޖޭގައި އަޅަމުންދާ ފްލެޓްތަކާއި އަދި ކޮންމެ އަހަރަކު ޗައިނާއިން ރާއްޖެއަށް ދެމުންދާ ތަޢުލީމާއި ތަމްރީނުގެ ފުރުޞަތުތަކާއި ސްކޯލަރޝިޕް ފުރުޞަތުތައް ހިމެނޭކަން ޕްރޮފެސަރ ފާހަގަކުރެއްވިއެވެ. ޕްރޮފެސަރުގެ ވާހަކަފުޅުގައި ޗައިނާ ސިލްކް ރޯޑުގެ ތާރީޚާއި އަދި މިހާރު ސިލްކް ރޯޑު މަޝްރޫއުގެ ދަށުން އެކި ޤައުމުތައް ގުޅާލުމަށް ކުރެވެމުންދާ މަސައްކަތްތަކުގެ މައްޗަށް ވަރަށް ތަފްޞީލުކޮށް ބައްލަވާލެއްވިއެވެ.
ޗައިނީޒް އެކަޑަމީ އޮފް ގަވަނަންސްގެ ޕްރޮފެސަރުގެ މި ލެކްޗަރއަކީ ސިވިލް ސަރވިސް ޓްރެއިނިންގ އިންސްޓިޓިއުޓުން ކޮންމެ އަހަރަކުން ބާއްވަމުން އަންނަ ޕަބްލިކް ލެކްޗަރ ސީރީޒްގައި ހިމެނިގެން މި އަހަރު ބޭއްވުނު 4 ވަނަ ޕަބްލިކް ލެކްޗަރ އެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023