19 ޖުލައި 2018
![](/images/Posts/136/7c218177-5c81-4a0f-b6fc-a34c083c0a21_37369666_1568804036564901_6662244770091368448_o-750x400.jpg)
ޗައިނީޒް އެކަޑަމީ އޮފް ގަވަނަންސްއިން ސީއެސްޓީއައިގައި ހިންގި ތަމްރީނު ޕްރޮގްރާމު “ވޯކްސޮޕް އޮން އެންހޭންސިންގ ހިއުމަން ކެޕިޓަލް އޮފް ސިވިލް ސަރވިސް”ނިމި ބައިވެރިންނަށް ސެޓްފިކެޓް ހަވާލުކޮށްފިއެވެ.
މި ތަމްރީނު ޕްރޮގްރާމު ފުރިހަމަކުރި ފަރާތްތަކަށް ސެޓްފިކެޓް ހަވާލުކުރުމަށް މިއަދު ސިވިލް ސަރވިސް ޓްރެއިިނިންގ އިންސްޓިޓިއުޓުގައި ( ސީއެސްޓީއައިގައި) ބޭއްވި ރަސްމިއްޔާތު ޝަރަފުވެރިކޮށްދެއްވާ ތަމްރީނު ފުރިހަަމަކުރި ފަރާތްތަކަށް ސެޓްފިކެޓް ހަވާލުކޮށްދެއްވީ ކޮމިޝަނުގެ މެންބަރު އަލްއުސްތާޛު ޒަކަރިއްޔާ ހުޞައިނާއި ޗައިނީޒް އެކަޑަމީގެ ޑެލިގޭޝަން ހެޑެވެ. ދެ ދުވަހުގެ މުއްދަތަށް ކުރިޔަށްގެންދިޔަ މި ތަމްރީނުގައި ސިވިލް ސަރވިސްގެ އެކި އިދާރާތަކުން ޖުމްލަ 40 މުވައްޒަފުން ބައިވެރިވެ ސެޓްފިކެޓް ހާޞިލުކޮށްފައި ވެއެވެ.
ޗައިނީޒް އެކަޑަމީގެ ފޮރޮފެސަރުންގެ ވަފުދަކުން ސީއެސްޓީއައިގައި ކުރިޔަށްގެންދެވި މި ތަމްރީނަކީ “އެގްޒެކެޓިވް ޓްރެއިނިންގ ޕްރޮގްރާމް ފޯރ މޯލްޑިވްސް ސިވިލް ސަރވިސް 2018" ދަށުން ކުރިޔަށްގެންދިޔަ 2 ތަމްރީނުގެ ތެރޭން އެއް ތަމްރީނެވެ. މި ޕްރޮގްރާމުގެ ދަށުން މިމަހުގެ 15 އިން ފެށިގެން 3 ދުވަހުގެ މުއްދަތަށް “ޓްރެއިނިންގ ޕްރޮގްރާމް އޮން އެކްސަލަރޭޓިންގ ޕަރފޯމަންސް މޭނޭޖްމަންޓް ސިސްޓަމް އިން ސިވިލް ސަރވިސް”ގެ ނަމުގައި ވެސް ތަމްރީނެއް ވަނީ ކުރިޔަށްގެންގޮސްފައެވެ. މި ތަމްރީނުގައި ޖުމްލަ 30 އަށްވުރެ ގިނަ މުވައްޒަފުން ބައިވެރިވެ ތަމްރީނު ޕްރޮގްރާމު ފުރިހަމަކޮށްފައި ވެއެވެ. ސިވިލް ސަރވިސް ޓްރެއިނިންގ އިންސްޓިޓިއުޓްގައި ކުރިޔަށްގެންދިޔަ މި ތަމްރީނުތައް ކުރިޔަށް ގެންގޮސްދެއްވަނީ ޗައިނީޒް އެކަޑަމީ އޮފް ގަވަނަންސްގެ ޕްރޮފެސަރުންގެ ޓީމަކުންނެވެ.
ޗައިނީޒް އެކަޑަމީ އޮފް ގަވަނަންސްގެ ޕްރޮފެސަރުންގެ ވަފުދުގެ ބޭފުޅުން މެދުވެރިކޮށް ހިންގާ މި ތަމްރީނު ޕްރޮގްރާމުގެ އިތުރުން މި ވަފުދުގައި ހިމެނޭ ޕްރޮފެސަރ ޑރ. ސޫ ޕެންގްފޭގެ ޚާއްޞަ ތަޤްރީރެއްވެސް މިމަހުގެ 18 ވަނަ ދުވަހު ޤައުމީ ޔުނިވަރސިޓީގެ އޮޑިޓޯރިއަމްގައި ވަނީ ބާއްވާފައިވެއެވެ. ޕްރޮފެސަރ ސޫ ޕެންގްފޭގެ މި ތަޤްރީރު ބިނާކުރައްވާފައި ވަނީ “ސްޓްރެޓީޖިކް ލީޑަރޝިޕް؛ ބެލްޓު އެންޑް ރޯޑު އިނިޝިއޭޓިވް”މި މައުލޫގެ މައްޗަށެވެ.
ޗައިނީޒް އެކަޑަމީ އޮފް ގަވަނަންސްއާ ސިވިލް ސަރވިސް ކޮމިޝަނާއެކު ވެފައިވާ ފަހުމުނާމާއެއްގެ ދަށުން ކޮންމެ އަހަރަކު ރާއްޖޭގެ ސިވިލް ސަރވިސްގެ މުވައްޒަފުންނަށް ޗައިނީޒް އެކަޑަމީ އޮފް ގަވަރނަންސްގެ ޕްރޮފެސަރުންގެ ވަފުދެއް ރާއްޖެ ވަޑައިގެން ތަމްރީނު ޕްރޮގްރާމެއް އަންނަނީ ހިންގަވަމުންނެވެ. އަދި ކޮންމެ އަހަރަކު ރާއްޖޭގެ ސިވިލް ސަރވިސްގެ މުވައްޒަފުންނަށް ޗައިނާއަށް ޒިޔާރަތްކޮށް ތަމްރީނާ ތަޖްރިބާ ޙާޞިލްކުރުމުގެ ފުރުޞަތުވެސް ޗައިނާއިން ވަނީ ފަހިކޮށްދީފައެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023