24 ޖުލައި 2018
![](/images/Posts/134/0e3d05dd-dfaf-42dc-b727-421a060f2950_DSC_3097-750x400.jpg)
މިނިސްޓްރީ އޮފް ޔޫތް އެންޑް ސްޕޯޓްސްގެ ޕަރމަނަންޓް ސެކްރެޓަރީގެ މަޤާމަށް ހަމަޖެއްސަވާފައިވާ ޙުސައިން ޝަރީފާއި މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ޕަރމަނަންޓް ސެކްރެޓަރީގެ މަޤާމަށް ހަމަޖައްސަވާފައިވާ ޔޫސުފް ރިޒާގެ މަޤާމުގެ ވައުދާއި މަޤާމުގެ ލިއުން ހަވާލުކޮށްދެއްވުމުގެ ރަސްމިއްޔާތު ބާއްވައިފި.
މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ޕަރމަނަންޓް ސެކްރެޓަރީ މަޤާމަށް ޔޫސުފް ރިޒާ ހަމަޖައްސަވާފައި ވަނީ 22 މެއި 2018ގައެވެ. ޔޫސުފް ރިޒާ ޕަރަމަންޓް ސެކްރެޓަރީގެ މަގާމަށް މި ހަމަޖެއްސެވީ 5 އަހަރުގެ ތިންވަނަ ޓާމަށެވެ. ޔޫސުފް ރިޒާ ކުރިން ވަނީ އެ މިނިސްޓްރީގެ ޕަރމަނަންޓް ސެކްރެޓަރީގެ މަޤާމުގައި 5 އަހަރުގެ 2 ޓާމު ފުރިހަމަ ކުރައްވާފައެވެ.
ޔޫސުފްރިޒާ ސަރުކާރަށް ޚިދުމަތް ކުރައްވަން ފެއްޓެވީ 1991 ވަނަ އަހަރުން ފެށިގެންނެވެ. އޭގެ ފަހުން މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ޕަރމަނަންޓް ސެކްރެޓަރީގެ މަޤާމާއި ހަވާލުވެ ވަޑައިގެންނެވުމާ ހަމައަށް މިނިސްޓްރީ އޮފް ޓުއަރިޒަމްއާއި ލެބަރ އެންޑް ޓްރޭޑް މިނިސްޓްރީގެ އެކިއެކި ފަންތީގެ މަޤާމުތައް ފުރުއްވާފައިވެއެވެ.
ޔޫސުފް ރިޒާ މާސްްޓަރސް ޑިގްރީ އަދި ގްރޭޖްއޭޓް ޑިޕްލޮމާ ހާޞިލްކުރައްވާފައި ވަނީ ޓުއަރިޒަމްގެ ދާއިރާއިން ޔުނިވަސިޓީ އޮފް އޮޓާގޯ އިންނެވެ. މީގެ އިތުރުން ފްލިންޑަރސް ޔުނިވަސިޓީ އޮފް ސައުތު އޮސްޓްރޭލިޔާއިން ބެޗްލަރ އޮފް އިނިކޮމިކްސް ހާޞިލްކުރައްވާފައި ވެއެވެ.
މިނިސްޓްރީ އޮފް ޔޫތް އެންޑް ސްޕޯޓްސްގެ ޕަރމަނަންޓް ސެކްރެޓަރީގެ މަޤާމަށް ހުސެން ޝަރީފް ހަމަޖައްސަވާފައި ވަނީ 15 މެއި 2018ގައެވެ.
ޕަރމަނަންޓް ސެކްރެޓަރީގެ މަޤާމަށް ހަމަޖެއްސެވި ޙުސައިން ޝަރީފު ކުރިން އަދާކުރެއްވި ވަޒީފާތަކުގެ ތެރޭގައި ނެޝަނަލް ބިއުރޯ އޮފް ކްލެސިފިކޭޝަންގެ ޑިރެކްޓަރގެ މަޤާމުގެ އިތުރުން މިނިސްޓްރީ އޮފް ހޯމް އެފެއާޒްގެ ޑިރެކްޓަރ ކަމުގެ މަޤާމު ހިމެނެއެވެ. މީގެ އިތުރުން ކޮމިއުނިޓީ އޮގަނައިޒޭޝަންސް ޑިވެލޮޕްމަންޓް ކައުންސިލާ މިނިސްޓްރީ އޮފް ޔޫތް އެންޑް ސްޕޯޓްސްގެ ބައެއް މަޤާމުތައް ވެސް ޝަރީފު ފުރުއްވާފައިވެއެވެ.
ޙުސައިން ޝަރީފު މާސްޓާރސް ޑިގްރީ ޙާޞިލުކުރައްވާފައި ވަނީ ބިޒްނަސް އެޑްމިނިސްޓްރޭޝަންގެ ދާއިރާއިންނެވެ. މީގެ އިތުރުން ޕަބްލިކް އެޑްމިނިސްޓްރޭޝަން ދާއިރާ އާއި ސްޕޯޓްސް މެނޭޖްމަންޓްގެ ދާއިރާއިން ޙުޞައިން ޝަރީފު ވަނީ ޑިޕްލޮމާ ހާޞިލްކުރައްވާފައެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023