11 އޯގަސްޓް 2018
ޗައިނާއަކީ މިވަގުތު ރާއްޖެއަށް އެންމެގިނަ ތަމްރީނުގެ ފުރުޞަތުތައް ފޯރުކޮށްދޭ ޤައުމުކަމަށް ކޮމިޝަނުގެ ރައީސް ޑރ. ޢަލީ ޝަމީމު ވިދާޅުވެއްޖެއެވެ.
ކޮމިޝަނުގެ ރައީސް މިހެން ވިދާޅުވީ ޗައިނާއިން ތައުލީމާއި އެކިއެކި ތަމްރީނު ޕްރޮގްރާމުތައް ފުރިހަމަކޮށްފައިވާ ފަރާތްތަކުގެ ޝުއޫރު ޙިއްސާކުރުމަށް" ޗައިނާ މޯލްޑިވްސް ކަލްޗަރަލް އެސޯސިއޭޝަނާއި ރާއްޖޭގައި ހުންނަ ޗައިނާ އެމްބަސީ ގުޅިގެން ބަނޑޮސް އައިލެންޑްގައި ބޭއްވުނު ފޯރަމެއްގައި ވާހަހަކަދައްކަވަމުންނެވެ." މައި ސްޓޯރީ ވިތް ޗައިނާ" މި ޝިޔާރުގެ ދަށުން ބޭއްވުނު މި ފޯރަމުގައި ކޮމިޝަނުގެ ރައީސްގެ ވާހަކަ ބިނާކުރައްވާފައި ވަނީ ޗައިނާއަށް ކުރެއްވި ދަތުރުފުޅުތަކުން ދަސްވެފައިވާ ކަންކަމުގެ މައްޗަށެވެ.
ޗައިނާއަކީ ރާއްޖެފަދަ ތަރައްޤީވުމަށް މަސައްކަތްކުރަމުން އަންނަ ކުދި ޤައުމުތަކަށް ތަހުލީލުކުރާ ލެބޯޓްރީއެއް ނުވަތަ ރިފަރެންސް ލައިބްރަރީއެއްގެ ގޮތުގައި ކޮމިޝަނުގެ ރައީސް ސިފަކުރެއްވިއެވެ. މީގެ އިތުން ރާއްޖެއާ ޗައިނާއާ ދެމެދު ބަދަހިވެފައިވާ ގުޅުން އިތުރަށް ބަދަހިކުރުމަށް ކަލްޗަރަލް ސެންޓަރެއް ޤާއިމުވެފައި ހުރުމުގެ މުހިންމުކަން ވެސް ކޮމިޝަނުގެ ރައީސްގެ ވާހަކަފުޅުގައި ފާހަގަކުރެއްވިއެވެ. މީގެ އިތުރުން ސިވިލް ސަރވިސްގެ މުވައްޒަފުންނަށް ތަމްރީނުވުމަށް ޗައިނާއިން 100 ފުރުޞަތު ދެއްވާފައިވާތީ އެކަމަށްޓަކައި ޝުކުރު އަދާކުރެއްވިއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
.png){kind=avatar}
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022