02 ސެޕްޓެމްބަރ 2018
![](/images/Posts/124/34a2e10b-42ff-4cf2-8bfc-a5a381ec5745_DSC_3336-750x400.jpg)
ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު ހިޒް އެސެލެންސީ މިސްޓަރ ކަޒޫމީ އެންޑޯ މިއަދު ހެނދުނު ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމުގެ އަރިހަށް އިޙްތިރާމުގެ ޒިޔާރަތެއް ކުރައްވައިފިއެވެ.
ކޮމިޝަނުގައި ބޭއްވުނު މި ބައްދަލު ކުރެއްވުމުގައި ދިވެހި ސިވިލް ސަރވިސްގެ ކަންކަމާ ގުޅޭގޮތުން މަޢުލޫމާތު ބަދަލުކުރެވި އަދި ކޮމިޝަނަށް ޖަޕާނު ސަރުކާރުގެ ފަރާތުން ކުރިޔަށް ގެންދެވިފައިވާ ކަންކަމާގުޅޭގޮތުން މަޝްވަރާކުރެވުނެވެ. މި ބައްދަލު ކުރެއްވުމުގައި، ޖަޕާން އިންޓަރނޭޝަނަލް ކޯޕަރޭޝަން އެޖެންސީ ( ޖައިކާ) އިން، އދ. މަޖްލީހުން ތަންފީޒުކުރަމުންދާ ސަސްޓެއިނަބުލް ޑިވެލޮޕްމަންޓް ގޯލްސް 2030 ޙާޞިލްކުރުމަށް ތަރައްޤީވުމަށް މަސައްކަތްކުރާ ޤައުމުތަކަށް "އެސްޑީޖީ ގްލޯބަލް ލީޑަރޝިޕް ޕްރޮގްރާމް 2019" ނަމުގައި ދެމުންދާ މަތީ ތައުލީމުގެ ފުރުޞަތުތައް ރައްޖެއަށް ފަހިކޮށްދެއްވުމަށް މަސައްކަތްކުރައްވަމުން ގެންދަވާކަމަށް ސަފީރު ވިދާޅުވިއެވެ.
މާސްޓަރ ފެންވަރަށް މެނޭޖްމަންޓް އަދި އެޑްމިނިސްޓްރޭޝަންގެ ދާއިރާއިން ސިވިލް ސަރވިސްގެ މުވައްޒަފުންނަށް މި ޕްރޮގްރާމު މެދުވެރިކޮށް ފުރުޞަތު ލިބޭނެނަމަ، ކޮމިޝަނުން މި ޕްރޮގްރާމުގައި ބައިވެރިވުމަށް ޝައުޤުވެރިކަން ހުރިކަން ކޮމިޝަނުގެ ރައީސްގެ ވާހަކަފުޅުގައި ވެސް ފާހަގަކުރެއްވިއެވެ.
ޖަޕާނަކީ ދިވެހިރާއްޖެއަށް އެކިއެކި ދާއިރާތަކުން އެހީތެރިކަން ފޯރުކޮށްދެމުން އަންނަ ޤައުމެކެވެ. 2012 ވަނަ އަހަރު ކޮމިޝަނުގެ ވަފުދެއް ވަނީ ޖާޕާނުގެ ކުރިއަރާފައިވާ ސިވިލް ސަރވިސްގެ ތަޖްރިބާ ޙިއްޞާކުރުމުގެ ގޮތުންނާއި ކަމާބެހޭ ޖަޕާނުގެ މުވައްސަސާތަކާ ގުޅުން ބަދަހިކޮށް އެހީތެރިކަން ލިބޭތޯ މަސައްކަތްކުރުމުގެ ގޮތުން ޖަޕާނަށް ޖިޔާރަތްކުރައްވާފައެވެ. މިގޮތުން ޖަޕާނުގެ ނެޝަނަލް އޮތޯރިޓީ އަދި ސިވިލް ސަރވިސް ޓްރެއިނިންގ އިންސްޓިޓިއުޓާއެކު އެއްބާރުލުން އިތުރުކުރުމުގެ މަޤްޞަދުގައި ފަހުމު ނާމާއެއް އެކުލަވާލުމާ ގުޅޭގޮތުން މިއަދުގެ ބައްދަލުވުމުގައި މަޝްވަރާކުރެވުނެވެ.
ޖަޕާނުން ރާއްޖެއަށް ކަނޑައަޅުއްވާފައި ހުންނަވާ ސަފީރު މިއަދު ކޮމިޝަނަށް ކުރެއްވި ޒިޔާރަތުގައި ކޮމިޝަނުގެ ސެކްރެޓަރީ ޖެނެރަލް އިބްރާހިމް ޒުހުރީއާ ވެސް ބައްދަލުކުރައްވައި ދިވެހި ސިވިލް ސަރވިސް ހަރުދަނާކޮށް ކުރިއެރުވުމަށް ބޭނުންވާ އެކިއެކި ކަންކަމާ ގުޅޭގޮތުން މަޝްވަރާކުރައްވާފައި ވެއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023