09 ސެޕްޓެމްބަރ 2018
ސިވިލް ސަރވިސް ޓްރެއިނިންގ އިންސްޓިޓިއުޓްގައި މި އަހަރު ފަށާފައިވާ ކޯޕަރޭޓް ޓްރެއިނިންގ ނުވަތަ ވިޔަފާރި ކުންފުނިތަކުގެ މުވައްޒަފުން ތަމްރީނުކޮށްދިނުމަށް ހުޅުވާލައިފައިވާ ފުރުސަތުތަކެއް ނުވަތަ ކޭސްތައް ޓޫރިޒަމް ސެކްޓަރަށް ތަޢާރަފުކޮށް މިދާއިރާގެ ފަރާތްތަކަށް ބޭނުންވާ މެނޭޖްމަންޓް އެންޑް އެޑްމިނިސްޓްރޭޝަން ކޯސްތައް ދެނެގަތުމުގެ ގޮތުން ސިވިލް ސަރވިސް ކޮމިޝަނުން މޯލްޑިވްސް މާރކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމް.އެމް.ޕީ.އާރ.ސީ)ގެ ބޭފުޅުންނާއިއެކު މަޝްވަރާ ބައްދަލުވުމެއް އެމް.އެމް.ޕީ.އާރ.ސީ އޮފީހުގައި ބާއްވައިފިއެވެ.
މި މަޝްވަރާ ބައްދަލުވުމުގައި ކޮމިޝަނުގެ ފަރާތުން އެންމެ އިސްކޮށް ބައިވެރިވެވަޑައިގަތީ ކޮމިޝަނުގެ ރައީސް ޑރ. ޢަލީ ޝަމީމާއި، ސީ.އެސް.ޓީ.އައިގެ ހިންގުން ބަލަހައްޓަވާ މެންބަރު އަލްއުސްތާޛު ޒަކަރިއްޔާ ހުސައިންއެވެ. އެމް.އެމް.ޕީ.އާރ.ސީގެ ފަރާތުން ބައްދަލުވުމުގައި އިސްކޮށް ބައިވެރިވެ ވަޑައިގަތީ މެނޭޖިންގ ޑިރެކްޓަރ އަލްފާޟިލް ހާރިސް މުޙައްމަދެވެ.
މި ބައްދަލުކުރުމުގައި ޓޫރިޒަމް ސެކްޓަރަށް ބޭނުންވާނެ ތަމްރީނުތަކާއި ޓޫރިޒަމްގައި ހިމެނޭ 3 ގިންތީގެ ޚިދުމަތްތެރިންނަށް ތަމްރީނު ކޯސްތައް ފަރުމާކުރުމުގައި ބަލަންވީ މިންގަނޑުތަކާއި އަދި ކޯސްތައް ތަޢާރަފުކުރުމާއި އިސްތިހާރުކުރުމަށް ގެންގުޅެވިދާނެ ހިކުމަތްތަކާއި ގުޅޭގޮތުން މުއްސަނދި ޚިޔާލުތަކާއި މަޢުލޫމާތު ބަދަލުކުރެވިފައިވެއެވެ. އަދި މިކަން ކުރިޔަށްގެންދިޔުމުގައި ސީ.އެސް.ޓީ.އައި އަށް ފަންނީގޮތުން އެމް.އެމް.ޕީ.އާރ.ސީ އިން އެހީތެރިވެ ދެއްވުމަށް ނިންމުނެވެ.
ފަހުގެ ޚަބަރުތައް
އޭޑީބީގެ ޓީމުން ކޮމިޝަނުގެ މެންބަރުންނާއެކު ބޭއްވި ބައްދަލުވުމުގެ ތެރެއިން
21 އޮކްޓޯބަރ 2026
ދިވެހިބަހުގެ އެކެޑަމީއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
20 އޮކްޓޯބަރ 2026
މާލެއަތޮޅު ގުރައިދޫ ކައުންސިލްގެ އިދާރާއާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ގުރައިދޫ ހާއްސަ އެހީއަށް ބޭނުންވާ މީހުންގެ މަރުކަޒާއެކު ކޮމިޝަނުން ބޭއްވި ބައްދަލުވުމުގެ ތެރެއިން
19 އޮކްޓޯބަރ 2026
ޒުވާނުން ބާރުވެރިކުރުވުމާއި، ކުޅިވަރާއި ހަށިހެޔޮކަމާ ބެހޭ ވުޒާރާގެ ޕަރމަނަންޓް ސެކްރެޓަރީ މަޤާމަށް ޑރ. އާމިނަތު ދުންޔާ އައްޔަނުކޮށް ލިޔުން ޙަވާލުކުރުމަށް ބޭއްވުނު ރަސްމިއްޔާތުގެ ތެރެއިން
19 އޮކްޓޯބަރ 2026