16 ސެޕްޓެމްބަރ 2018
ބ. އަތޮޅުގެ އެންމެ ދުވަސްވީ އަދި ބޮޑު ސުކޫލު ކަމުގައިވާ އަތޮޅު ތަޢުލީމީ މަރުކަޒުގެ 2018 ވަނަ އަހަރުގެ އިނާމުދިނުމުގެ ރަސްމިއްޔާތު ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމް ޝަރަފުވެރިކޮށްދެއްވައިފިއެވެ. ބ. އޭދަފުށީގައި ބޭއްވުނު މި ރަސްމިއްޔާތުގައި ސާނަވީ އަދި މަތީ ސާނަވީގެ ކުލާސްތަކުން އެކި ވަނަ ވަނަ ހާޞިލުކުރި ދަރިވަރުންނާއި، އަދި މިދިޔަ އަހަރުގެ އޭލެވެލް އިމްތިހާނާއި އޯލެވެލް އިމްތިހާނުގައި ޤައުމީ ގަދަ 10 ގައި ހިމެނުނު ކާމިޔާބު ދަރިވަރުންނާއި ދުނިޔޭގެ ގަދަ 10 ގައި ހިމެނުނު އެ މަރުކަޒުގެ ދަރިވަރުންނަށް އިނާމާއި ސަނަދު ދިނުން ބޭއްވުނެވެ.
2017 ވަނަ އަހަރު ސާނަވީ ބައިން ހުރިހާ ގޮތަކުން އެންމެ މޮޅު ދަރިވަރަކަށް (ބެސްޓް އޯލްރައުންޑް ސްޓޫޑަންޓް) ހޮވުނީ ހުރިހާ މާއްދާއަކުން އޭ ފާސް ހާސިލުކުރި ޔުމްނާ އާތިފްއެވެ. މަތީ ސާނަވީ ނުވަތަ އޭލެވެލްގެ ބައިން އެންމެމޮޅު ދަރިވަރަކަށް ހޮވުނީ ޝަމާޢީލް މުޙައްމަދު ނަސީމެވެ.
މި ރަސްމިއްޔާތުގައި 2017 ވަނަ އަހަރުގެ ރިޕޯޓު އިއްވަވައިދެއްވައި، ހާޞިލުކުރެވިފައިވާ ކާމިޔާބީތަކުގެ މައްޗަށް ބައްލަވާލައްވައި ވާހަކަފުޅު ދެއްކެވީ މަރުކަޒުގެ ޕްރިންސިޕަލް އަހުމަދު ރަފީޢުއެވެ. އޭނާގެ ވާހަކަފުޅުގައި ފާހަގަކުރެއްވި ގޮތުގައި މިދިޔަ އަހަރަކީ މަރުކަޒުގެ 40 އަހަރުގެ ހަޔާތުގައި އެންމެ ގިނަ ދަރިވަރުން ސާނަވީ އިމްތިހާނުގައި ފާސްވި ރިކޯޑު އަހަރެކެވެ. މިގޮތުން 5 މާއްދާއިން 83 އިންސައްތަ ދަރިވަރުން ފާސްވިކަން ފާހަގަކުރެއްވެވިއެވެ.
ޝަރަފްވެރި މެހެމާނުގެ ހައިސިއްޔަތުން ދަރިވަރުންނާއި، މަރުކަޒުގެ ހިންގުންތެރިންނާއި، މުދައްރިސުން އަދި ބެލެނިވެރިންނާއި މުޚާތަބުކުރައްވަވައި، ވާހަކަފުޅު ދައްކަވަމުން ކޮމިޝަނުގެ ރައީސް ޑރ. ޢަލީ ޝަމީމް ވަނީ ޒަމާނަށްފެތި ރާއްޖެއަށް ބޭނުންވާ ދާއިރާތަކުން މަތީ ތަޢުލީމާއި ތަމްރީނު ހޯދުމަށް، ދުރާލާ މިކަމަށް އަހުލުވެރިވެ ހޭލުންތެރިވުމަށް އިލްތިމާސްކުރެއްވެވިއެވެ. އަދި ޢިލްމާއި އެއްވަރަށް އަޚްލާޤުވެސް ދަސްކުރުމަށާއި، ތަޢުލީމާއެކު ތަރުބިއްޔަތުވެސް ލިބިގެންދިޔުމުގެ މުޙިއްމުކަމުގެ މައްޗަށް އަލިއަޅުވާލައްވަވައި އަމިއްލަފުޅު ތަޖުރިބާ އަދި ރާއްޖޭގެ އިލްމުވެރި ބައެއް ޝަހުސިއްޔަތުތައް މި މޭރުމުން ދައްކަވާފައިވާ މިސާލުތައް ހިއްސާކުރެއްވެވިއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022