ކުރިޔަށް އޮތް ރިޔާސީ އިންތިޚާބުގެ ކަންތައްތަކުގައި ބައިވެރިވެ އުޅުމުގައި ސިވިލް ސަރވިސްގެ އެންމެހާ މުވައްޒަފުން އެ ފަރާތްތަކުން ވަޒީފާ އަދާކުރަމުން ގެންދާ އިދާރާތަކުގެ ނަމާއި، އެ ފަރާތްތަކުގެ މަޤާމުގެ ހައިސިއްޔަތު ބޭނުންކޮށްގެން ސިޔާސީ ޙަރަކާތްތަކުގައި ބައިވެރިވެ އުޅުމުގައި އެންމެހާ ސިވިލް ސަރވިސްގެ މުވައްޒަފުންނާއި ސިވިލް ސަރވިސްގެ އިދާރާތަކުން، ޤާނޫނާއި ޤަވާއިދުތަކުގައިވާ ގޮތުގެ މަތިން އަމަލުތައް ބެހެއްޓުމަށް ކޮމިޝަނުން އިލްތިމާސްކޮށްފިއެވެ.

ކޮމިޝަނުން މިކަންކަމަށް އިލްތިމާސްކޮށްފައިވަނީ 17 ސެޕްޓެމްބަރ 2018 ގައި އާންމުކުރި ސަރކިއުލަރ (ނަންބަރ 2018/11) އިންނެވެ. އަދި މި ސަރކިއުލަރގައި ރިޔާސީ އިންތިޚާބާއި ގުޅިގެން ސިވިލް ސަރވިސްގައި މަސައްކަތްކުރާ މުވައްޒަފުން، އަމިއްލަ ހައިސިއްޔަތުން ފާޅުކުރާ ޚިޔާލުތައް މީޑިއާތަކުން ގެނެސްދިނުމުގައި އެ މުވައްޒަފުން އަދާކުރާ ސިވިލް ސަރވިސްގެ ވަޒީފާތަކަށް ނިސްބަތް ނުކުރުމަށްވެސް އިލްތިމާސްކޮށްފައިވެއެއެވެ.