30 ސެޕްޓެމްބަރ 2018
![](/images/Posts/116/c8ae9ca5-0892-4f20-bd30-dae3839d8941_DSC_3477-750x400.jpg)
ވެރިކަން ބަދަލުވުމުގެ މަރުހަލާގެ ކަންކަން ވީހާވެސް އޮމާންކަމާ ފުރިހަމަކަމާއެކު ގެންދިއުމުގައި ސިވިލް ސަރވިސް އިދާރާތަކުގެ އެއްބާރުލުން އިތުރުކުރުމާގުޅޭގޮތުން ޕަރމަނަންޓް ސެކްރެޓްރީންނާއެކު މިއަދު ބޭއްވި ބައްދަލުވުމުގައި މަޝްވަރާކުރައްވައިފިއެވެ. މިއަދު ކޮމިޝަނުގެ މެންބަރުންނާއި ކޮމިޝަނުގެ އިސް މުވައްޒަފުން ހިމެނޭގޮތުން ބޭއްވި މި ބައްދަލުވުމުގައި، ވެރިކަން ބަދަލުވުމުގެ މަރުޙަލާއާބެހޭ ޤާނޫނާއި (ޤާނޫނު ނަމްބަރު 5/2010) ބެހޭ ޕްރެޒެންޓޭޝަނަކާއެކު މަޢުލޫމާތު ޙިއްޞާކުރެވުނެއެވެ. އަދި މި މަރުހަލާގެ ކަންކަން އޮމާންކޮށް ގެންދިއުމުގައި ޕަރމަނަންޓް ސެކްރެޓަރީންގެ އެއްބާރުލުން ބޭނުންވާ ކަންކަމާގުޅޭގޮތުން ފުޅާދާއިރާއެއްގައި މަޝްވަރާކުރެއްވިއެވެ. މި ގޮތުން ޑިރެކްޓަރ ޖެނެރަލް އޮފް ޓްރާންޒިޝަން އައްޔަންކުރުމާ ގުޅޭ މަޢުލޫމާތާއި އަދި މި މަރުހަލާގައި ކުރަންހުރި މަސައްކަތްތަކުގެ ތަފްޞީލުތައް ކޮމިޝަނުން ޕީއެސްއިންނާ ޙިއްސާކުރެއްވިއެވެ.
މިއަދު ހެނދުނު ބޭއްވި މި ބައްދަލުވުން ފައްޓަވައިދެއްވާ ކޮމިޝަނުގެ ރައީސް ޑރ. ޢަލީ ޝަމީމު ދެއްކެވި ވާހަކަފުޅުގައި އިންތިޚާބީ ރައީސް އޮނަރަބުލް އަލްފާޟިލް އިބްރާހީމް މުޙައްމަދު ޞޯލިޙާއި އިންތިޚާބީ ނައިބުރައީސް އޮނަރަބުލް ފައިސަލް ނަސީމަށް ސިވިލް ސަރވިސްގެ މުވައްޒަފުންގެ ނަމުގައާއި ކޮމިޝަނުގެ މެންބަރުންނާއި މުވައްޒަފުންގެ ނަމުގައި ހޫނު މަރުޙާބާއެއް ދެންނެވިއެވެ. އަދި ވެރިކަން ބަދަލުވުމުގެ މަރުހަލާ ވީހާވެސް ކާމިޔާބުކަމާއެކު ކުރިޔަށްގެންދިއުމަށް ދިވެހި ސިވިލް ސަރވިސްއާ އަދި ކޮމިޝަނުގެ ފުރިހަމަ އެއްބާރުލުން ލިބިގެންދާނެކަމަށް ކޮމިޝަނުގެ ރައީސް ވިދާޅުވިއެވެ. ހަމައެހެންމެ، ނިމިދިޔަ ސަރުކާރުން ސިވިލް ސަރވިސްއަށާއި ކޮމިޝަނަށް ދެއްވާފައިވާ އެއްބާރުލެއްވުމާއި އެހީތެރިކަން ފާހަގަކުރައްވައި ރައީސުލްޖުމްހޫރިއްޔާ ޢަބުދުﷲ ޔާމީން ޢަބުދުލް ޤައްޔޫމާއި ކެބިނެޓްގެ ވަޒީރުންނަށް ސިވިލް ސަރވިސްއާ އަދި ކޮމިޝަނުގެ ފަރާތުން ޝުކުރު ދެންނެވިއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023