![](/images/Posts/109/6e75a114-b0e1-4ea5-92c3-ae1b31febcd9_Capture2-750x400.png)
މަޢުލޫމާތު ހޯދައި ލިބިގަތުމުގެ ޤާނޫނުގެ ދަށުން ވެބްސައިޓު މެދުވެރިކޮށް ޚަބަރާއި މަޢުލޫމާތު އެންމެ ރަގަޅަށް ހާމަކުރާ މުވައްސަސާތަކާއި އޮފީސްތަކުގެ މެދުގައި ކޮންމެ އަހަރަކު އިންފޮމޭޝަން ކޮމިޝަނަރުގެ އޮފީހުން ބާއްވަވާ ދަރަޖަކުރުމުގައި މިއަހަރު ސިވިލް ސަރވިސް ކޮމިޝަނަށް 2 ވަނަ ދަރަޖަ ލިބިއްޖެއެވެ. މިކަން އިޢުލާނުކުރެވިގެން ދިޔައީ މަޢުލޫމާތު ހޯދައި ލިބިގަތުމުގެ ހައްޤުގެ ބައިނަލް އަޤްވާމީ ދުވަސް ފާހަގަ ކުރުމުގެ ގޮތުން އިސްލާމިކް ޔުނިވަރސިޓީގައި އިންފޮމޭޝަން ކޮމިޝަނުގެ އޮފީހުން 17 އޮކްޓޫބަރު 2018 ވަނަ ދުވަހުގެ ރޭ ބޭއްވި ރަސްމީ ހަފުލާގައެވެ.
މި އަހަރުވެސް 1 ވަނަ ދަރަޖަ މުވައްސަސާތަކުން ހާސިލުކުރީ އެންޓި ކޮރަޕްޝަން ކޮމިޝަނުންނެވެ. މިއީ ޖެހިޖެހިގެން ރަންވަނަ އެ ކޮމިޝަނުން ހާސިލުކުރި 3 ވަނަ އަހަރެވެ. ރަސްމިއްޔާތުގެ ޝަރަފުވެރި މެހެމާނު އޮޑިޓަރ ޖެނެރަލް އަލްފާޟިލް ޙަސަން ޒިޔަތު މައުލޫމާތު ހާމަކުރުމުގެ މުހިއްމުކަމުގެ މައްޗަށް ބާރުއަޅުއްވަވައި ވާހަކަފުޅު ދެއްކެވިއެވެ. ޒިންމާދާރުކަން ކުޑަކޮށް ސޯޝަލް މީޑިއާގައި ސައްޙަނޫން ހަޤީގަތާއި ޚިލާފު މަޢުލޫމާތު ފަތުރަމުންދާތީ އެފަދަ ކަންކަމުން ދުރުހެލިވުމަށް އިލްތިމާސްކުރެއްވެވިއެވެ.
މި ރަސްމިއްޔާތުގައި ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމް، އިންފޮމޭޝަން ކޮމިޝަނަރުގެ އޮފީހަށް ދެއްވަވާ އެހީތެރިކަމާއި އެއްބާރުލުން ވަޒަންކުރުމުގެ ގޮތުން ހަނދާނީ ލިޔުމެއް އެރުވިއެވެ. އަދި ކޮމިޝަނުގެ ރައީސް އެ ކޮމިޝަނުގެ މުވައްޒަފުންގެ ތެރެއިން ޚިދުމަތުގެ ގޮތުން ފާހަގަކުރެވުނު މުވައްޒަފުންނަށް ހަނދާނީ ލިޔުން ސްޓޭޖް މަތިން ބައްސަވާދެއްވިއެވެ.
ފަހުގެ ޚަބަރުތައް
![](/images/Posts/571/5f2b4702-322b-41ac-869e-413f39820a26_MicrosoftTeams-image (1).png)
ސިވިލް ސަރވިސް ކޮންފަރެންސް 2024 މިއަދު ފަށައިފި
09 ޖޫން 2024
"މޯލްޑިވްސް ސިވިލް ސަރވިސް ކޮންފަރެންސް 2024" އާ ގުޅޭ އެކިއެކި މަސައްކަތްތަކުގައި އެހީތެރިކަން ފޯރުކޮށްދިނުމަށް އެއްބަސްވެފައިވާ ފަރާތްތަކާ އެކު ފަހުމުނާމާ/އެއްބަސްވުމުގައި ސިވިލް ސަރވިސް ކޮމިޝަނުން ސޮއި ކުރައްވައިފި
04 ޖޫން 2024
ސިވިލް ސަރވިސް ކޮންފަރެންސް 2024، ޖޫން 9- 10 ގައި ބާއްވަނީ
30 މެއި 2024
![](/images/Posts/568/fd9314d4-063e-42df-bdda-f05a72595852_News_back.png)
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
![](/images/Posts/567/f5371921-4619-4832-aca1-981a5eede611_final.png)
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023